san carlo 2 bassa bresciana.qxd - Brixia Sacra

BRIXIA SACRA
stente pauperes approbent praesentibus aliis deputatis, et iis tantum eleemosina
in die festo sancti Sebastiani tribuatur, qui vere indigeant et in notula
descripti fuerint, quae notula manu etiam praepositi subscripta sit, nec dienceps
singulis de populo sine aliquo discrimine eleemosina detur. Eorundem
visitatorum, et praepositi munus erit visitare infirmos et pauperes agnoscere,
quibus in dies eleemosinae distribuantur, nec aliquid in posterum loco eleemosinae
tribuatur a massario seu a thesaurario sine concessu et iussu dictorum
visitatorum et praepositi manu etiam ipsius schedula subscripta. Commessationes
inter ipsos confratres etiam in feria quinta Coenae Domini nullo
modo fiant, sub poena restitutionis et privationis habitus.
In ecclesia Sanctissimae Trinitatis et Sancti Rochi
Altare sepiatur clathris ferreis. Tabernaculum ligneum super altare non
retineatur. Habeat crucem auricalchi decentem. Diebus festis tempore
missae parochialis in hac ecclesia non celebretur. Homines communitatis
aestiment locum et servitutem, quam dictum oratorium habet [f. 245v] ex
tignis et locis Iulii de Torlis, parietibus ecclesiae seu oratorii adhaerentibus
ex concessione reverendissimi ordinarii; et id, quod percipitur ex dictis
locis et servitute, sit ad usum oratorii et aedium hospitalis. Parietes capellae
dicti oratorii erigantur et ducantur usque ad tectum, et nullum ostium
seu foramen relinquatur.
Pro confraternitate Sanctissimi Sacramenti
Officiales confraternitatis Sanctissimi Sacramenti singulis annis mutentur.
Rationem idem administrationis singulo anno reddant cum interventu
praepositi pro tempore existentis, aut alterius ab ordinario deputati.
In ecclesia Sancti Salvatoris curata nuncupata
Cum ecclesiam Sancti Salvatoris ex multorum testimonio, et praesertim ex
bulla erectionis parochialis ecclesiae Sancti Filastrii loci Mosii factae anno
1521 ac etiam ex libris matrimoniorum et baptizatorum satis liquido constat
esse parochialem, ac omnia munia parochialia in ea administrata fuisse,
quod etiam ex insignibus apparet, videlicet baptisterio, tabernaculo et coemiterio,
decernimus ut in posterum in eadem ecclesia cura animarum exerceatur,
et ideo reverendissimus ordinarius diligenter inquirat quorum
sumptibus olim rector sustentatur, et ex consuetudine cogat omnes qui de
378