san carlo 2 bassa bresciana.qxd - Brixia Sacra

BRIXIA SACRA
Non est consecrata, inornata et vetusta. Altare adest unicum in quo aliquando
celebratur ab archipresbitero. Habet quasdam domus annexas, in quibus
commoratur heremita. In dicta ecclesia est schola Disciplinatorum antiquitus
instituta. Non habet regulas approbatas. Regitur a massario et tribus sindicis
qui singulo biennio mutantur. Habet annuum redditum librarum 26
sine onere, quae expenduntur in celebratione missae conventualis prima
dominica cuiuslibet mensis ad altare dicte scholae et in ornatu praedicti altaris.
Computa fiunt quotannis inter ipsos officiales sine interventu archipraesbiteri.
Fuit visitata reverendissimo episcopo Bollano ordinario.
Ecclesia Sancti Petri est sita extra oppidum Carpeneduli indigetque
reparatione et ornatu. Non est consecrata et habet unicum altare. Redditus
eius annui sunt circiter librae 260 planetarum cum onere missae quotidianae
et, ut dicitur, coadiuvandi archipraesbiterum in cura animarum, cui
oneri missarum satisfit in ecclesia Sancti Ioannis Baptistae parochiali. Rector
titularis est reverendus Antonius de Cerutis loci Carpeneduli, annorum
quinquaginta, sacerdos, qui iuxta consuetudinem coadiuvat archipraesbiterum
in cura animarum, et facultatem coadiuvandi exhibuit. Docuit
legitime de ordinibus sed non de titulo beneficii, [f. 228v] scientia in
munere quo fungitur est tolerabilis, de moribus bene audit ut dicitur.
Ecclesia Sancti Ioseph in loco Carpeneduli. Ecclesia ista, ut dicitur, est
de iurepatronatus familie. Non habet sacristiam et est penitus indumentis
sacris destituta, celebratur quotidie.
Ecclesia Sancti Bartholomei rurale. Haec ecclesia non consecrata est.
Item angusta et pene destituta. Est de iurepatronatus familiae de Bardinellis
et in praesenti vacat per liberam ressignationem Angeli de Bardinellis in
manibus multi reverendi domini visitatoris loco episcopi constituti, qui
Angelus dictum 5 beneficium a multis annis citra sine habitu et tonsura ac
sine horarum canonicarum recitatione. Redditus annui sunt ducatorum
decem sine oneri celebrandi. Altare unicum habet in quo non celebratur.
Oratorium Sanctae Mariae de Raveriis est campestre, angustum et fere
dirutum. Non est consecratum et, ut dicitur, est simplex clericatus cuius
annuus redditus est aureorum quinquaginta. Titularis est reverendus Hora-
276