san carlo 2 bassa bresciana.qxd - Brixia Sacra

BASSA CENTRALE
Pavone del Mella, San Benedetto
[a. Acta visitationis, ff. 190r-191r;
Brescia, XL, ff. 260r-261r]
[b. Decreta particularia, ff. 150r-151r;
Brescia, XXVII, ff. 7, 52r-53v]
[a. CHIESA PARROCCHIALE DI SAN BENEDETTO DI PAVONE]
[f. 190r] Die 15 martii suprascripti anni
Visitavit ecclesiam parochialem Sancti Benedicti loci Pavoni et deinceps
intra eius fines infrascripta oratoria, scholas. Est consecrata et in ea Sanctissimum
Sacramentum assidue conservatur in altari maiori, cui lampas
impensis titularis praelucet. Baptisterium adest non ad praescriptum neque
loco congruo collocatum. Altaria quinque adsunt, videlicet altare maius et
reliqua indotata. Cimiterium est apertum. Sacristia adest parva nuper fabricata.
Domus est ecclesiae contigua intermedio cimiterio in qua habitat
coadiutor. Redditus parochiales dicuntur esse librae circiter 500 cum onere
conducendi coadiutorem in cura animarum ex forma sententiae in foro
episcopali latae.
Rector est praesbiter Pasinus de Garbellis brixiensis, aetatis annorum
40 vel circa, legitime docuit de titulo et ordinibus. Habitat in domo paterna,
raro celebrat, negligens etiam in dandis signis campanarum salutationis
angelicae ac cum populus ad missa[m] est evocandus, arma gerit, gladiatores
domi habere consuevit, de eo conqueritur Baptista Reterus ob vulnus et
damna quae ab eo accipisse praetendit. Coadiutor, ut inditum fuit, consuevit
[f. 190v] haberi in hac ecclesia et nunc est frater Augustinus de Urgnanis
de Soncino ordinis Praedicatorum cum mercede ducatorum quinquaginta.
Habet facultatem ab ordinario celebrandi et curam exercendi. Clericum
non habent.
Animae sunt 1030, quae vero sacram comunionem sumunt sunt circiter
800, quibus in sacramentis ministrandis unus curatus non sufficit. Nuper
viget controversia inter populum ipsum et curatum de cereo paschali,
incenso et candellis, item de campanis sonandis et earum funibus comparandis,
quae omnia populus consuevit praestare, de evocandis item perso-
117