san carlo 2 bassa bresciana.qxd - Brixia Sacra

BRIXIA SACRA
pariter fiat ad formam instructionum, et clathris ferris sepiatur impensis
populi. Vascula oleorum sacrorum ad formam comparentur, et in ciborio
baptisterii asserventur, vasculum vero infirmorum asservetur in fenestella;
quae est in choro, sera et clave claudatur. Capella maior clathris ferreis
claudatur, ipsa clathra figatur in uno gradu capellae, qui est penes ostium
sacristiae, idque infra annum impensis populi. Ianuis coemiterii adhibeantur
valvae, quae sera et clave munitae nocte claudantur. [f. 211v] Duo altaria
a lateribus capellae maioris constructa clathris ferreis claudantur. Porta
aedium laycalium, per quam accessus est ad coemiterium a latere meridionali,
infra duos menses claudatur et obstruatur muro.
In posterum curae erit societatis Corporis Christi providere de omnibus,
quae spectant ad Sanctissimum Sacramentum, ad cuius honorem et
venerationem appendatur altera lampas societatis cum alia, quae de praesenti
impensis curati elucet. Provideatur de umbella decenti ad usum deferendi
Sanctissimum Sacramentum ad infirmos. Tegmen sericum, vel ex tela
decenter picta, collocetur super altari maiori, ut ipsum, et sacerdos celebrans
contegantur, ipsius societatis et curatorum impensis.
Altare Sanctae Catharinae in fronte capellae muro inhaerens construatur
amota parte sepulchri, quod est in coemiterio, et clathra ferrea impensis
populi sepiatur, cuius etiam munus erit providere de cruce auricalchi, et
paramentis ad dicti altaris ornatum necessariis. Suggestus alter decentior ex
asseribus nuceis constipetur, et eodem loco ubi vetus est appendatur impensis
populi. Teneatur ex fructibus ecclesiae parochialis clericus, qui a reverendissimo
ordinario probatus sit, et semper incedat in habitu et tonsura.
In sacristia antedicta ecclesiae oratorium et lavatorium ad formam construantur.
Fiant quatuor planetae cum manipulis et stollis coloris viridis,
albi, rubri et violacei pro varietate temporis, quae paramenta infra annum
impensis parochi fiant, taliaque sint, ut reverendissimus ordinarius ea esse
decentia iudicet. Fiat planeta, et binae dalmaticae cum pluviali albi coloris
impensis societatis Corporis Christi. [f. 212r] Item purificatoria 30 infra
mensem, quatuor corporalia, tot bursae varii coloris pro corporalibus
asservandis, pelviculae duae auricalchi et pulvinaria duo fiant, quae omnia
sint ad praescriptum instructionum. Thurribulum cum acerra et cochleare,
vas aeneum pro corporalibus abluendis comparentur. Calix prophanatus
inauretur, etiam alii duo qui egent inaurari infra tres menses. Albae duae
cum suis amictis decenter fiant.
306