san carlo 2 bassa bresciana.qxd - Brixia Sacra

BASSA ORIENTALE
Regitur a massario cum stipendio ducatorum duorum pro labore et a tribus
sindicis gratis fungentibus. Non mutuat ultra summa duorum ducatorum
singula vice. Nihil pro mutuo accipitur. Exhibiti fuerunt libri administrationis
qui sine fraude describuntur.
1
Scritto in interlinea.
2
Così nel testo.
[b.] [f. 202r] In ecclesia Sancti Bernardini parochiali Aquaefrigidae
Tabernaculum ligneum in quo Sanctissimum Sacramentum asservatur,
intrinsecus serico panno circumvestiatur impensis confraternitatis Corporis
Christi. Pixis alia maior fiat ad usum sacrae communionis generalis, eiusdem
scholae impensis. Tabernaculum gestatorium redigatur ad formam.
Altera item pixis minor ad usum ferendi Sanctissimum Sacramentum ad
infirmos impensis titularis. Fiat umbella seu tegumentum, super altare collocetur,
quo ipsum altare et sacerdos celebrans contegantur. Umbella ad
usum aegris Sanctissimum Sacramentum deferendi. Lampades, quae sunt
ante capellam societatis Corporis Christi ponantur ante altare maius.
Curae sit societatis Corporis Christi ea, quae requiruntur circa Sanctissimum
Sacramentum ex institutione ipsius societatis, parare.
Altaria lateralia Corporis Christi et Rosarii extra capellam maiorem,
quae vergunt orientem versus, auferantur, et ibi prope extruantur, ita
tamen ut unum meridiem, alterum septentrionem versus vergant sub niciis
construendis ad formam instructionum; et postea clathris ferreis sepiantur
impensis societatum ambarum. Baptisterium fiat ad formam cum ciborio
ligneo ad praescriptum, in quo asserventur vascula oleorum chrismae et
cathecumenorum, sic extructum locetur in angulo septentrionem [f. 202v]
versus, sed ita ut circumcirca aditum patentem exhibeat, ac clathra ferrea
sepiatur ad formam impensis populi. Pavimentum ex lateribus construatur.
Parietes ecclesiae intus dealbentur impensis eiusdem communitatis.
Fenestrae omnes et orbis occidentalis amplientur, ac clathris ferreis
285