san carlo 2 bassa bresciana.qxd - Brixia Sacra

BASSA ORIENTALE
Oppidum istud est muris cinctum et a praesidio militum custoditur. Maior
pars parochianorum extra moenia habitat, qui in parochiali ecclesia iuxta
oppidum sita ad percipienda sacramenta et divina officia audienda non facile
accedere possunt, praesertim tempore nocturno cum portae oppidi vesperi
claudantur nec mane, nisi post multam diem, aperiantur, ac etiam cadavera ad
parochialem transeferri et humari a domino praedicti oppidi eiusque 3 ministris
prohibeantur. Haebraei domicilium habent etiam iuxta ecclesia nec litterae
summorum pontificum Pii quarti et quinti in cognomine servantur. Nundinae
et mercatus fiunt diebus festis. Matrimonia sepe contrahuntur in comptemtum
sacrorum canonum et concilii Tridentini et provincialium, fere servata
forma ut libera sint. Schola Doctrinae christianae ad institutum exercetur.
Schola Sanctissimi sacramenti erecta est et aggregata archiconfraternitati
Sanctae Mariae de Minerva cum indulgentiis solitis. Non habet regulas approbatas.
Regitur per quinque officiales a communitate delectos, qui quandoque
mutantur. Habet redditus annuos librarum 77 et eleemosynas quae obveniunt,
ex quibus celebratur quotidie ut in statu altaris, reliquum expenditur in
ornatu altaris. Administrationis rationes singulis annis dantur praeposito.
Ecclesia Sanctae Mariae Consortii non consecrata, ornata tamen. In ea
sunt duo altaria, alterum sub titulo Beatae Virginis Mariae, alterum Pietatis
ad quod dicitur adesse legatum [f. 223r] missae quotidianae illustris domini
Gonzaghae olim patris Alphonsii et fratrum qui hodie vivunt et saepe
faciunt celebrare, sed non adhuc exibitum. Dicitur etiam praefatos illustres
Gonzagas teneri ad solutionem scutorum 400 pro reparatione et ornatu eius
ecclesiae ex conventione inita inter consortium Misericordiae infrascriptum
et eorum patrem. In hac ecclesia infrascriptum consortium Misericordiae
noncupatum quotidie celebrare facit cum mercede annua ducatorum quadraginta
celebranti sacerdoti, clerico inservienti librarum 10, quod quidem
non ex iniuncto onere sed ex antiquissima consuetudine praestare dicitur.
Oratorium domini in ingressu pallati[i] angustum et indecens est et
omnino intolerabile cum unico altari, in quo tamen celebratur ad eiusdem
domini libitum.
Consortium hoc antiquum est et alias Societas Misericordie nuncupabatur.
Habet regulas ex rescripto summi pontificis confirmatas pro ratione
247