san carlo 2 bassa bresciana.qxd - Brixia Sacra

BRIXIA SACRA
tibus eiusdem ecclesiae pensio ducatorum quadraginta de camera attributa
est, ea omnia et singula, quae de ecclesiae reparatione, et suppellectile ab eo
conficienda comparandave mandantur, ipse ex pensionis fructibus praestet,
atque exequatur; iamque ex hoc anno 1580 caeterisque deinceps insequentibus
annis aureos octo in iis, quae sibi nominatim imposita sunt, exequendis
impendat, quousque omnia executioni mandata fuerint. Quam quidem peccuniae
summam titularis aucthoritate huius decreti apud se singulis annis retineat,
eamque praesente et consentiente vicario foraneo et syndicis, curatoribusve
ecclesiae nomine communitatis deputatis, si qui sunt, vel praefecto seu
thesaurario scholae Corporis Christi in supradictis rebus exequendis impendat
sub poena dupli, et aliis poenis, etiam suspensionis arbitrio ordinarii.
Scholares Sanctissimi Sacramenti termino trium dierum computa cum
massario faciant, peccunias, quae in diversas manus dispartitae sunt, consignent
in manibus massarii novi, qui librum mastrum habeat, et computa
recto ordine teneat, oneribus legatorum omnino satisfaciant.
[f. 139v] Presbiter Baptista de Lotis cappellanus melius discat ceremonias
missae et cum celebrabit omnia legat, nihil memoriae recitans, clare et
distincte verba proferens, neque per mensem celebrabit sine adsistentia
parochi, donec ad usum pervenerit clare, punctatim et distincte legendi;
quod si dicto termino non perfecerit, iudicio parochi examini reverendissimi
episcopi se praesentet, antequam amplius celebret.
In oratorio Sancti Antonii
Solum cappellae maioris per gradum altius fiat, et altare ad formam reducatur
et ornetur, cancellisque sepiatur. Communitas obligata ad ornatum
huius ecclesiae ex testamento quondam domini Bernardini Longhenae,
provideat de paramentis necessariis tam pro ornatu altaris, quam pro celebratione
missae infra sex menses, nec non de corporalibus quatuor et XII
purificatoribus ad formam. Calicem profanatum ac patenam termino mensis
unius inaurari faciant. Soffita oratorio adhibeatur. Provideatur de altari
portatili ad formam. Altare Sancti Rochi tollatur. In eo oratorio ne celebretur
donec praedicta omnia adimpleantur.
In oratorio Sancta Mariae della Grata
Altare et bradella 3 reducantur ad formam, et cancellis sepiatur. Ei provideatur
de lapide sacrato ad formam, nec non de corporalibus quatuor, et
84