san carlo 2 bassa bresciana.qxd - Brixia Sacra

BASSA CENTRALE
Pro Consortio
Eleemosinae huius consortii ne singulis familiis aut [f. 162r] singulis ex
populo nullo habito delectu 2 distribuantur. Qui contrafecerit, privatus sit
ipso facto ea administratione, tum duplum consortio restituere teneatur
aliamque poenam subeat arbitrio reverendissimi episcopi, etiam interdicti 3
ingressu ecclesiae, sed tantum vere pauperibus dentur; qua in re dilligentia
adhibeatur, ut diligantur 4 probi viri, qui aut a parocho aut una cum eo aliunde
inquirant et explorent diligenter 5 unius cuiusque inopiam, atque iis tantum,
et non aliis, eleemosina tribuatur ab iis ad quos spectat quemadmodum
eorum necessitas postulare videbitur.
Si quae tamen pia legata expresse iubent dari indistincte eleemosinas
singulis familiis, vel hominibus, aut dari tantum iis qui de communitate
sunt, ea intra mensem exhibeantur reverendissimo episcopo, ut ipse pro
suo munere statuat quid censuerit pro integra executione piae voluntatis.
Rationes singulis annis reddantur ad praesentiam vicarii foranei, vel alterius
quem reverendissimus episcopus constituerit ad praescriptum concilii
Tridentini. Presbiter Christoforus Spalentia birretum sacerdotale semper
defferat, non autem pileum praeterquam ex causa pluviae ac equitandi. Linguam
compescat, nec sic facilis ad maledicendum reddatur.
Domini Antonius Caggionus et David Amidanus possessores bonorum
relictorum 6 a quondam reverendo Galeazzio de Pernozziis in eius [f. 162v]
haereditate et bonis obligatis ad constructionem altaris in hac archipresbiterali
ecclesia, ac ad celebrationem missae singula hebdomada, ut constat
instrumento rogato per dominum Iohannem Iacobum Mandolam notarium
anno 1529 praeterito, satisfaciant omnino oneri dicti legati tam pro
praeterito quam etiam futuro, quod si renitentes vel negligentes fuerint, ad
id summarie etiam ex officio aucthoritate huius decreti illos compellat
usque ad integram satisfactionem, prout iuris fuerit.
In oratorio Assumptionis Beatae Virginis Disciplinatorum
Altare ad formam reducatur una cum bradella, et cancellis sepiatur. Fenestra
a parte evangelii muro obturetur infra octo dies. Suggestus supra portam
maiorem termino quindecim dierum tollatur, et parietes incrustentur.
Scolae exactores ne aliquam peccuniarum summam ab aliquo scolari recipiant
praeter oblationes sponte factas. Regulam generalem ad usum comunem
provinciae Mediolanensis aeditam habeant.
153