san carlo 2 bassa bresciana.qxd - Brixia Sacra

BRIXIA SACRA
[f. 225r] Domus parochiales angustae et incommodae sunt supra sacristia.
Fabrica ecclesiae nullos habet redditus nec ad eam monaci neque
homines communitatis possunt induci. Redditus annui huius beneficii
haberi non potuerunt quia sunt uniti monasterio, ex quibus singulo mense
dantur aurei quinque vicario amovibili per reverendum episcopum assignato.
Vicarius vero amovibilis est Simon Gattas loci Medularum, annorum
35, sacerdos, qui docuit legitime de eius ordinibus, deputatus cum assignatione
dictae annuae mercedis a reverendo episcopo ordinario de anno presenti
ad instantiam communitatis quae ob monachorum incuriam in providendo
de vicario non parum detrimentum spiritualem patiebatur. Est
bonae famae et habitat in domibus parochialibus sine clerico. Animae sunt
circiter 2500, sacram communionem sumunt 2200, quarum circiter 1200 in
hoc oppido habitant et reliquae 1 in duobus vicis huius parochiae subiectis,
scilicet in Salvanero et Rure fenilium quae duo membra distant a parochiali
spatio milliaris cum dimidio et non sine magno incommodo et difficultate
in praedicta parochiali ad divina audienda et sacramenta suscipienda
accedere possunt, nec eius unus curatus sufficere possit asserebat populus.
Illustrissimus visitator in causa dictae controversiae inter populum et
monachos, intellectisque hinc inde quae 2 aducta fuere, declaravit praedictos
monachos teneri ad sustinendos perpetuo duos sacerdotes eorum ordinis a
reverendissimo episcopo Brixiensi approbatos qui in dicta ecclesia resideant
et missas ad praescriptum concilii provincialis celebrent et coniunctim
sacramenta ministrent et alia munera parochialia exerceant, quorum alter
vices curati alter vero coadiutoris in cura animarum personam sustinent, qui
in omnibus correctioni et vissioni reverendissimi episcopi brixiensi subiaceant
ad prascriptum indulti felicis memoriae Iulii 2 ad preces monachorum
concessi. Praeterea abbas et fratres ipsi pro tempore manuteneant sacristiam
et ex redditibus beneficii comparent calices et alia vasa sacra nec non
[f. 225v] paramenta omnia varii coloris, etiam serica, quae pro ratione temporis
iuxta ritum ecclesiae ad prascriptum instructionum huius provinciae
de suppellectili ecclesiastica et ordinationum infrascriptorum fuerint necessaria
perpetuis temporibus pro ornamentis altarium et celebratione missarum
ac etiam parochiales aedes construere, quae ecclesiae inhereant.
Item ad eiusdem declarationis praescriptum communitas et homines
construant et amplient perpetuisque temporibus hanc ecclesiam parochialem
eorum sumptibus reparent in ea forma quae supra demostrata est, una
262