san carlo 2 bassa bresciana.qxd - Brixia Sacra

BASSA CENTRALE
Milzano, San Biagio
[a. Acta visitationis, ff. 185r-186v;
Brescia, XL, ff. 251r-252r]
[b. Decreta particularia, ff. 142r-143v;
Brescia, XXVII, ff. 43v-45r]
[a. CHIESA PARROCCHIALE DI SAN BIAGIO DI MILZANO]
[f. 185r] Die sabbati XII mensis martii supradicti anni 1
Visitavit ecclesiam parochialem Sancti Blasii loci Milzani et deinceps intra
eius fines infrascriptas capellas, oratoria, schola [f. 185v] et montem pietatis.
Est consecrata et in ea Sanctissimum Sacramentum assidue conservatur
in tabernaculo super altari maiori collocato, cui lampas impensis rectoris
praelucet. Baptisterium est praeter formam neque praescripto loco situm.
Altaria quatuor habet, videlicet altare maius, altare Corporis Domini in
quo quotidie celebratur impensis partim scholae Corporis Domini, partim
ex onere infrascriptorum legatorum, videlicet: legatum missae unius in
hebdomada, ad quod tenetur Ioannes Baptista Vaghetus ex relicto quondam
Michaelis Barberii, qui obligavit petiam terrae perticarum quinque ubi
dicitur alli Ronchi ut constat testamento rogato per Bertholomeum de
Bonaventuris die 22 ianuarii 1551; legatum alium missarum trium in hebdomada,
ad quod tenetur Baptista de Arisiis ex relicto quondam Baptistae
de Liciis, ut constat testamento rogato per Hieronimum de Como notarium
in loco Pralboini de anno 1572 et satisfacit.
Cappellanus mercenarius est praesbiter Iulius Picotinus brixiensis, aetatis
annorum 33 cum mercede librarum 108, plaustri unius lignorum habitatione.
Docuit de ordinibus, non habet licentiam celebrandi, habitat in
domibus scholae Corporis Domini. Sachristia adest in 2 inferiori parte campanilis,
parva. Cimiterium non est septum. Domus parochiales sunt
annexae ecclesiae. Redditus annui huius ecclesiae sunt libras octocentum
vel circa, super quibus pensio annua scutorum 30 reservata dicitur dominio
Paulo Vertue mediolanensi. Rector est presbiter Camillus de Ruschonibus
de Cumo brixiensis, aetatis annorum 41 [f. 186r], legitime docuit de titulo
et ordinibus. Habitat in domibus parochialibus. Nullum habet clericum.
95