san carlo 2 bassa bresciana.qxd - Brixia Sacra

BRIXIA SACRA
Altare Sancti Alexandri redigatur ad formam sub nicia, respondeat aliis
altaribus, tam latitudine quam altitudine. Praedictum altare ornetur cruce,
duobus candelabris et paramentis necessariis impensis patronorum familiae
de Pencinis propter tenuitatem reddituum eiusdem capellae.
Altare Sancti Ioseph transferatur ad capellam Sancti Michaelis, quae, ut
dicitur, est de iurepatronatus archipresbiteri, qua de re ipse consensum
praestitit in visitatione. Altare Sanctae Mariae de Laureto statim tollatur.
Altare Assumptionis Beatae Mariae tollatur, et capellania, quae est ad praedictum
altare iurispatronatus familiae de Murariis transferatur ad altare
Sancti Andreae, quod item est de iurepatronatus eiusdem familiae, et ibi
perpetuo satisfiat omnibus etc. Altare Sancti Andreae construatur ad formam
in fronte capellae, ita ut muro haereat ad praescriptum instructionum,
et aliis capellis et altaribus tam longitudine [f. 234r] quam altitudine
aequetur impensis patronorum. Item sepiatur clathra ferrea, et pro eo provideatur
de cruce, candelabris, aliisve ornamentis et paramentis ad usum
celebrationis missarum impensis patronorum.
Altare Sancti Michaelis, quod est de iurepatronatus archipresbiteri, haereat
fronti capellae, et clathra ferrea sepiatur impensis societatis Sancti
Ioseph; cuius sit etiam providere de cruce, candelabris, aliisve ornamentis
etc. Altare Sancti Iohannis Baptistae tollatur, et extruatur annexum fronti
parietis, amotis gradibus impensis patroni, et clathra ferrea sepiatur.
Habeat etiam crucem, candelabra auricalchi et alia paramenta, tum ad ornatum
altaris, tum ad usum missae celebrandae necessaria. Arca seu depositum
eidem altari inhaerens poenitus tollatur. Capellania curata Sancti Hieronimi,
quae olim erat ad altare constructum sub organo de iurepatronatus
archipresbiteri ad altare maius cum suis honoribus et oneribus transfertur,
ubi titularis pro tempore celebret et oneribus satisfaciat.
Fenestrae ecclesiae clathris ferreis muniantur. Confessionalia quatuor
fiant ad praescriptam formam, et collocentur in loco conspicuo. Sacristiae
oratorium separetur a sedibus, et lavatorium decentius construatur. Fiant
tabellae in sacristia retinendae, in quibus onera celebrandi et huiusmodi
ratione legatorum relictorum et beneficiorum inscribantur ad praescriptum
instructionum et conciliorum provincialium. Fiat liber in sacristia in
quo sacerdotes celebrantes describant quotidie sua nomina manu propria
ad praescriptum conciliorum provincialium, et instructionum. Curati coadiutores
adiuvent in cura animarum, et requisiti sine aliquo discrimine, [f.
400