san carlo 2 bassa bresciana.qxd - Brixia Sacra

BASSA ORIENTALE
Schola Sanctissimi Sacramenti antiquitus instituta in praedicta ecclesia.
Non habet regulas approbatas. Regitur a massario, ministro, duobus sindicis
et duodecim consulibus qui annuatim mutantur vel confirmantur. Habet
annuos redditus scutorum 45, ex quibus celebrare faciunt quotidie cum
assignatione librarum 180 in anno ex devotione, ut ipsi aiunt. Item celebrantur
officia undecim pro mortuis quotannis ex legatis etc. Item missa
conventualis in prima dominica cuiuslibet mensis ex ipsius scholae instituto.
Reliquum vero reddituum expenditur in eleemosynis ad pauperos sublevandos,
massariis 9 et ministro pro labore dantur librarum 9 quotannis pro
singulo. Rationes administrationum fiunt sine interventu archipraesbiteri.
Fuit alias visitata a reverendissimo episcopo ordinario et eius visitatoribus.
Ecclesia Conceptionis Beatae Mariae Virginis, ruvinosa. Altare incongruum
habet. Non est consecrata. In ea est iuspatronatus, ut dicitur, domini
Brixiani et domini Nicolai eius fratris de Sedazzariis cum dotatione annui
redditus ducatorum 24 et onere missae quotidianae, cum facultate erigendi
iuspatronatus in beneficium reservato sibi iurepatronatus, praefato oneri
satisfit. Habet unicum altare sine sacristia. Cappellanus amovibilis est Ioannes
Petrus Glussianus cremonensis, annorum 33, sacerdos, qui docuit legitime
de eius ordinibus, non tamen habet dimissoriam a suo episcopo. Habitat
in domibus conductis et praedicto oneri satisfacit. Sacristia non adest.
Ecclesia Sanctae Mariae de Misericordia Disciplinatorum
Consecrata est et satis patens. Habet duo altaria, videlicet altare Assumptionis
Beatae Mariae Virginis in quo est legatum relictum a quondam Malagisio
nomine Stephano cum onere duarum missarum in hebdomada et officii
unius pro mortuis quotannis, cui oneri satisfit. Aliud legatum annuum
librarum 28 relictum a quondam domino Ioanne Moretto cum onere unius
missae in hebdomada et officii unius quotannis celebrandi cui oneri satisfit
per presbiterum Iulium Catonem. In eodem altari confratres Disciplinati
celebrare curant alias tres missas in hebdomada ex devotione. [f. 251r]
Super ecclesia ipsa est oratorium quo confratres Disciplinati conveniunt ad
orandum. Item superius sunt quaedam cubicula pro predicatore et etiam
pro hospitando advenas religiosos idque praestatur ex onere cuiusdam legati.
In praedictis locis conveniunt etiam confratres ad commessandum, praecipue
in quinta feria Cenae Domini. Cappellanus amovibilis dictae ecclesiae
395