san carlo 2 bassa bresciana.qxd - Brixia Sacra

BRIXIA SACRA
cessione, quae fit in prima dominica cuiuslibet mensis, deferatur Sanctissimum
Sacramentum Eucharistiae intra ecclesiam tantum. Comissarii delecti
a communitate, vi ultimae voluntatis reverendi quondam domini Sebastiani
Iordanini, reddant rationem deputatis praesente archipresbitero vicario
foraneo. Curae sit ordinarii videre ut voluntas eiusdem reverendi Sebastiani
singulis annis debitae executioni mandetur, nec non pauperum electio, eleemosinarum
distributio fiat iuxta patrum et canonum traditiones, ita ut vere
indigentibus erogentur. Scholares nomine scholae agant ad recuperationem
bonorum, et haereditatis universae sibi debitae, vi testamentique reverendi
Antonii de Feriolis archipresbiteri, et satisfaciant oneri missarum cum assignatione
congruae portionis fructuum iudicio ordinarii. Capellano eligendo
ex voluntate testatoris, si vero societati expedire censuerint, quod praedicta
bona possideantur a capellano, qui satisfaciat oneri iniuncto, id tamen episcopi
permissu agant, et ad aliquod certum tempus.
Pro Monte pietatis
Servetur perpetuo laudabilis usus nihil percipiendi occasione mutui ac
pignoris, etiam laboris ratione. Ne ultra summam trium ducatorum
mutuent ob redituum tenuitatem. Officiales reddant rationem singulis
annis ordinario seu aliquo ab eo deputato praesente archipresbitero.
[f. 182r] In ecclesia Sancti Sebastiani intra moenia castri Castillioni
Ecclesia et altare quamprimum consacrentur. Capella clathra ferrea claudatur.
Imago seu effigies illustrissimae marchionissae in hycona venustate
quadam procaci, sine velo et habitu, quo ipsa in ecclesia utitur, depicta ita
linietur ut lasciviam aliquam non exhibeat. Sacristia fiat ad praescriptum
instructionum. Clavis ab archipresbitero conservetur.
In ecclesia Sanctorum Petri et Pauli ordinis Servorum
Capella maior sepiatur saltem cancellis ligneis. Altaria duo Sancti Petri et
Sancti Antonii a latere capellae maioris tollantur statim. Altare Crucifixi
reducatur ad formam, et cancellis ligneis sepiatur. Aperiatur ostium illud,
quo a choro olim patebat transitus ad sacristiam. Ne deinceps in sacristia
praedicta retineatur stratum, nec dormiatur. Calix infra mensem inauretur.
Purificatoria 15, corporalia 2 et bursae duae ad formam comparentur infra
mensem. Ne deinceps publicentur indulgentiae, publiceve exponantur
206