san carlo 2 bassa bresciana.qxd - Brixia Sacra

BASSA CENTRALE
praedictorum quatuor, quae dimembrata fuerunt a praepositurali beneficio
et earum cappellanorum collatio spectat ipsi praeposito ut ex fundatione in
actis visitationis exhibita. Cappellani titulares sunt praesbiter Philippus de
Scudelariis, brixiensis aetatis annorum 53, legitime docuit de titulo et ordinibus.
Habitat in domo paterna, residet. Praesbiter Franciscus de Bonis
brixiensis, aetatis annorum 38, provisus a praeposito, legitime docuit de titulo
et ordinibus. Habitat in domo conducta, pueros domi alit, residet, obtinuit
etiam pensionem super cappellania Sancti Laurentii [f. 193v] Prati
Alboini. Praesbiter Franciscus de Bailis brixiensis, aetatis annorum 59, alias
professus ordinis Carmelitarum et dispensatus a penitentiario maiori
Romae, provisus a dicto praeposito, legitime docuit de titulo. Habitat in
domibus suae cappellaniae cum sorore, residet. Praesbiter Marius de Canevariis
brixiensis, aetatis annorum 53, alias professus ordinis Servorum, ostendit
declarationem non esse adstrictum religioni, provisus a praeposito, legitime
docuit de titulo. Habitat in domibus suae cappellaniae, scientia tolerabilis
in cura animarum, residet, clericum non habet. Cimiterium neque sacristia
adsunt. Domus est annexa in qua habitat praepositus. Animae huius
parochiae sunt 1500, quorum 900 sanctam comunionem sumunt. Inditum
fuit Antoniam e Fontanella separatim ab eius marito cum scandalo vivere.
Schola Sanctissimi Sacramenti antiqua de errectione non constat 3 . Habet
regulam non confirmatam, descripti sunt scholares numero 230 vel circa.
Regitur a duobus sindicis et massario qui non mutantur. Redditus annuos
habet librarum novem cum onere annualium duorum ex legato quondam
Bartholini de Laude et hoc ultra elleemosinas quas colligunt; multi huic scholae
debent et non satisfaciunt; administrationum rationes redduntur praesente
rectore, administrationum 4 exhibuerunt libros qui bene describuntur.
Oratorium Sancti Gotardi, campestre, parvum; altaria duo habet, nullum
redditum. In eo celebratur die eius festo.
Oratorium Sancti Salvatoris campestre, parvum, vetustum et indecens,
altare habet absque redditu. In eo non celebratur.
Oratorium seu ecclesia 5 Sanctae Appoloniae campestre, altaria duo habet. In
eo celebratur et cura animarum exercetur pro commodi habitantium in foenilibus
et edilibus ibi vicinis del Corveono. In eo Sanctissimum Sacramentum
non conservatur. [f. 194r] Baptisterium adest, olea sacra asservantur, sacristia
129