san carlo 2 bassa bresciana.qxd - Brixia Sacra

BASSA CENTRALE
Bassano Bresciano, San Michele
[a. Acta visitationis, ff. 179v-180r;
Brescia, XL, ff. 332r-v]
[b. Decreta particularia, ff. 135r-136v;
Brescia, XXVII, ff. 79r-80r]
[a. CHIESA PARROCCHIALE DI SAN MICHELE DI BASSANO]
[f. 179v] Die iovis decimo mensis martii suprascripti anni
Visitavit et caetera ecclesiam parochialem Sancti Michaelis loci Bassani et
intra eius fines oratorium et scholas infrascriptas. Est consecrata, non capax
populi. In ea Sanctissimum Sacramentum assidue servatur super 1 altari
maiori in tabernaculo ligneo et lampas ardet expensis rectoris. Reliquiae
nonnullae adsunt inventae in altari maiori. Baptisterium non est ad formam.
Altaria tria habet, videlicet altare maius. Altare Sancti Rochi est dotatum
cum onere missae unius in hebdomada, ad quod tenetur schola Sanctissimi
Sacramenti ex relicto quondam praesbiteri Petri Muschae, quae tamen schola
missam quotidianam celebrare facit ex devotione sua. Cappellanus mercenarius
est praesbiter Thomas Bassus brixiensis, aetatis annorum 31 cum
annua mercede librarum centum viginti et domo in qua habitat, docuit de
ordinibus. Altare aliud indotatum. Sacristia humida est. Cimiterium non
septum patet bestiis et in eo delicta noctis tempore perpetrantur 2 .
Comunitas et nobiles ac scholares Sanctissimi Sacramenti ad hanc ecclesiam
ampliandam incumbunt et iam quasdam pecunias ad id collegerunt,
praeterea fructus huius parochialis olim vacantis ex parte tempore vacationis
huic fabricae ecclesiae applicati fuere 3 . [f. 180r] Domus est contigua mediante
quodam viculo, ex quo fit transitus super cimiterio, item est annexum viridarium.
Redditus annui huius ecclesiae sunt librarum circiter 700 cum pensione
annua librarum centum domino David Duranti, nec non cum onere
sustinendi coadiutorem cum mercede scutorum 30. Rector est praesbiter
Ioannes Baptista Niger brixiensis, aetatis annorum 35, scientia idoneus ad
curam exercendam, bonis moribus, ut dicitur; legitime docuit de titulo et
ordinibus, habitat in domibus parochialibus, coadiutorem non habet, nec clericum.
Animae sunt 940 vel circa, quorum 600 sacram comunionem sumunt.
69