san carlo 2 bassa bresciana.qxd - Brixia Sacra

BRIXIA SACRA
Habent intra clausuram vasa magna pro uvis asservandis tempore vindemiarum,
unde multi coloni id ingrediuntur. Adest coquina separata pro
confessario, qui confessarius ibi triduo commoratur expensis monasterii et
etiam pernoctat pro audiendis confessionibus [f. 745r] viginti quattuor
monialium. Ministri serenissimae reipublicae Venetiarum aliquando ingrediuntur
septa monasterii cum decem et pluribus viris ad explorationem
bladorum absque licentia reverendissimi ordinarii. Redditus est, ut in schedula
signata B, librarum 1044, solidorum 10 denariorum monetae brixiensis
et onera sunt multa, praesertim pro victu confessoris et aliorum fratrum
et duorum illis inservientium ut ex earum lista patet; confessor earum est
frater *** Sancti Francisci Minorum de observantia. Alere possunt ex
earum redditibus ad ratione librarum 60 pro qualibet, connumeratis servis
et omnibus, personas XVIII praeter onus ecclesiae, sicut statutum est cum
reverendo patre provinciali.
[b.] In ecclesia et monasterio monialium Sanctae Clarae Asulae
b.1. [f. 187v] Paretur pyxis tum ad asservandam Sanctissimam Eucharistiam,
tum ad eam deferendam ad aegrotas moniales, quae decenti, pioque
artificio elaborata sit. Tabernaculum item gestatorium ad formam traditam
libro instructionum de fabrica ecclesiastica. Ostiolum fenestellae Sanctissimi
Sacramenti in ecclesia interiore statim obstruatur, donec, quae infrascripta
sunt interim absolvantur. Adsit tabernaculum ligneum religioso
artificio elaboratum, illudque ad praescriptum [f. 188r] instructionum, in
quo Sanctissimum Sacramentum assidue custodiatur, atque in altari collocetur
ut moniales aliquando illud prospiciant. In pariete a dextro cornu
altaris fiat fenestella, ubi in aliquo decenti vase asserventur sacrae reliquiae.
Adsit vasculum pro sacro oleo infirmorum ad formam instructionum,
quod in alia fenestella intra eundem parietem ab altero altaris latere
exstructa asservetur, nulla vero ratione curationi monialium relinquatur.
Idem purificatioria 15, corporalia 4 cum totidem sacculis et velis, praescripta
forma pro instituta ab ecclesia colorum varietate.
424