san carlo 2 bassa bresciana.qxd - Brixia Sacra

VISITA AI MONASTERI
ecclesiam, consecretur, interea sepulcrum unum, duove in eo fiant ad caemeterii
usum, ubi moniales defunctae humentur.
Parietes clausurae altius ducantur. Fenestellae in horreo in viam publicam
vergentes mensis spatio caementario opere obstruantur. Item fenestra
hospitii monasterium versus aperiatur, vero alia e regione plateae ad mensem.
Rate omnes mensis spatio ad formam instructionum redigantur.
Clathra item loci collocutionis ad sex menses ex praescripto instructionum
reconcinnentur, interim fenestellae etiam cum lamina ferrea et clavis adeo
firmentur, ut nulla ratione aperiri queant. Arbores iuxta parietes tridui spatio
succidantur. Nullam deinceps fabricationem moliantur, etiam ecclesiae
praterquam suprascriptas, nisi prius descriptionem totius monasterii
habuerint ab aliquo perito viro, eamque per [f. 186r] reverendissimum
ordinarium approbatam ac subscriptione munitam, a cuius praescripto ne
latum unguem recedant. Eligantur intra mensem nova praefecta, priorissave
ac vicaria ad concilii tridentini praescriptum; praesentes vero, cum quindecim
ab hinc annis eo munere perfunctae sint, ab eo officio ad sex annos
saltem vacent, ita ut eo interim spatio eligi non possint.
Iumenta alio in loco a monasterio magis seiuncto alantur, eaque a famulo,
famulave externa tantum curentur, nulla vero ratione liceat monialibus,
etiam conversis. Neminem in posterum, quamvis arcta familiaritate,
cognationeve coniunctum in hospitium admittant, permittantve pernoctare
aut cibum capere, confessario dumtaxat excepto, si quando necessitas
urgebit. Quae autem temere id facere attentarit, iure suffragii privata sit, ita
ut neque eligere, neque eligi ad tres annos valeat, atque alia etiam graviore
poena afficiatur arbitratu reverendissimi episcopi.
Conversae decem, que omnes ad alia, quam ad colligendas eleemosynas
e septis monasterii egressae sunt, nempe ad sternendum lectum confessarii,
ad adaquandas asinas, ad nundinas, emporiaque et alia eiusmodi loca, ab
aliis seorsum degant, donec ab excommunicatione, qua irretitae sunt,
impetrarint absolutionem. Moniales, etiam conversae, constituta poena
excommunicationis latae sententiae, ac aliis sacrorum canonum iure,
novissimeque Pii V et Gregorii XIII constitutionibus sancitis, ne extra
praescriptos monasterii fines, etiam quaeritandae eleemosynae causa, egrediantur,
sed per homines bonae existimationis, aut alia probata ratione, ex
eorundem summorum pontificum praescripto eleemosynas procurent.
Numerus monialium in hoc monasterio iam nunc ad 12 usque praefinitur
419