san carlo 2 bassa bresciana.qxd - Brixia Sacra

BRIXIA SACRA
possint ad praescriptum decretorum etiam provincialium, et summorum pontificum
constitutionum sub poenis in illis, censuris et aliis arbitrio ordinarii.
Homines communitatis construere faciant sepulturas ad usum pauperum infra
annum loco illarum, quae eiusdem communitatis opera dirutae fuerunt.
In ecclesia Sanctae Mariae de Misericordia Disciplinatorum
Altare maius clathra ferrea sepiatur. Altare sub titulo Crucifixi tollatur
intra triduum. Loca super oratorio amplius non inhabitentur, sed sint tantum
ad usum oratorii. Funibulum, seu caminus super praedicta ecclesia tollatur.
Confratres habeant regulas ad usum provinciae Mediolanensis editas,
et illas servent. Officiales deligantur ad praescriptum dictarum regularum
praesente archipresbitero. [f. 235v] Reddant rationem administrationis
singulis annis reverendissimo ordinario et, quoties computa ex dictarum
regularum praescripto facienda erunt, praesente archipresbitero fiant.
Ex confratribus duo visitatores eligantur, qui infirmos visitent una cum
archipresbitero, seu alio ex coadiutoribus et iis, quos indigentes et pauperes
invenerint, eleemosinas elargiantur de redditibus, fructibusve eiusdem
confraternitatis, ordine infrascripto observato videlicet. Visitatores postquam
una cum curato infirmos visitaverint, referant aliis deputatis, quos
egentes et pauperes invenerint, qui omnes eleemosinam erogandam statuant,
quam thesaurarius ad scriptum ab archipresbitero faciendum persolvat,
retento penes se chirographo. In posterum ne quid eleemosinarum
caussa dispensetur, erogeturve, nisi vere indigentibus, qui ab omnibus
deputatis et ab archipresbitero, et eo absente ab eius substi[tu]to probati
sint, ut supra. Archipresbiter deputet confessarium ab ordinario approbatum
ad usum confratrum, qui semel saltem in mense confiteantur et communicent
in ecclesia archipresbiterali. Ne in posterum fiant commessationes,
etiam in die Coenae Domini sub poena privationis et restitutionis. Ne
queritent eleemosinas sine licentia reverendissimi ordinarii scripto obtenta,
et tunc nullo utantur instrumento, videlicet pacis vel alterius generis,
nec aquam benedictam aspergant, id enim est sacerdotis munus.
Confratres Disciplinatorum, eveniente conditione fideicomissi quondam
Ioseph Brugnoli relicti eidem confraternitati post mortem Laurae de
Polettis praedicti uxoris ultimae haeredis substitutae restituant dotem
librarum centum haeredibus sive [f. 236r] successoribus praefatae Laurae,
qua dote librarum centum per eius maritum terrula quaedam duorum sta-
402