san carlo 2 bassa bresciana.qxd - Brixia Sacra

BRIXIA SACRA
capitulis concedi solitis, collegialiter in divinis interessentibus, ita quod
fructuum medietas sit praepositi, alteraque medietas ipsorum canonicorum,
quorum quilibet absens nihil lucretur sed praesentibus dumtaxat
accrescatur. Animae sunt circiter 2800 ex iis sacram communionem
sumunt 1400. Doctrina christiana exercetur sed frigide.
Schola Sanctissimi Sacramenti erecta, ut dicitur, antiquitus in ecclesia predicta
collegiata ad altare sub eodem titulo. Regitur a priore, thesaurario et
sindicis decem qui singulis annis mutantur vel saltem confirmantur, non
habet regulas comprobatas. Redditus annui sunt scutorum duodecim et alias
elleemosynas habet 6 , quae omnia impenduntur circa necessaria et decentia ad
Sanctissimum Sacramentum ex legato ipsi scholae relicto a quondam magistro
Vicentio de Magistris, celebrare facit duo anniversaria quotannis et alia
duo ex devotione. Computa administrationis singulis annis praesente praeposito
fiunt. Fuit visitata a reverendissimo ordinario de anno 1566.
Ecclesia Sancti Vincentii angusta, inornata et pene dirupta existit extra
moenia Calcinati, in qua olim exercebatur cura animarum, quae translata
est in ecclesiam Sanctae Mariae Elisabeth cum omnibus iuribus et oneribus.
Non constat de consecratione. Habet unicum altare in quo non celebratur.
Redditus sunt iidem qui supra in descriptione ecclesiae collegiate.
Oratorium Disciplinatorum parvum, a paucis annis citra exaedificatum
et adhuc alicui sancto non dicatum, habet unicum altare in quo non celebratur.
Redditum [f. 218v] annuum librarum decem, quae impenduntur in
reparationem dicti oratorii a scholaribus disciplinatis quibus concessum
fuit dictum oratorium ut dicitur. Societas Disciplinatorum, iam multis
annis incepta et erecta ut dicitur. Regitur a priore qui non mutatur ad prascriptum
ob parvum scholarium numerum, non habent regulas comprobatas.
Fuerunt exhibiti libri administrationis recto ordine descripti. Fuit alias
visitata a vicario foraneo iussu reverendissimi ordinarii.
Oratorium campestre Sancti Petri angustum, rude, non consecratum
neque dotatum, habet unicum altare in quo non celebratur nisi die festivitatis
ipsius.
Ecclesia Sanctae Mariae Nativitatis fratrum Minorum Sancti Francisci,
sita extra oppidum et distans per medium miliare, ampla et decenti forma
224