san carlo 2 bassa bresciana.qxd - Brixia Sacra

BASSA ORIENTALE
[b.] [f. 204r] In ecclesia parochiali Sanctorum Petri et Pauli Guidicioli
Tabernaculum in quo asservatur Sanctissimum Sacramentum ad formam et
ornatum decentiorem ad praescriptum instructionum reducatur. Alia comparetur
pixis maior ad usum sacrae communionis generalis, titularis
impensis. Baptisterium fiat ad formam instructionum cum ciborio decenti
impensis communitatis, quod locetur in capella construenda. Vascula oleorum
sanctorum ad formam conflata procurentur ex fructibus beneficii.
Cum ecclesia ista maxima indigeat instauratione, tum ob eius indecentiam,
tum ob eius angustiam, satius videtur si a fundamentis extruatur;
ratio ergo pro ea aedificanda, ut infra adhibebitur. Primo architectus peritus
de mandato reverendissimi ordinarii delineationem ecclesiae exaedificandae
conficiat, ab ipsoque reverendissimo ordinario approbabitur et subscribetur.
Cautiones has in ea delinienda architectus adhibeat ut amplitudo
eius ita patens sit ut non solum moltitudinem populi locum incolentis, sed
frequentiam etiam hominum interdum ad solemnitates, et sacras conciones
confluentium capere queat, idque si una, tribusve navibus constet.
Structura basium ita constituetur, ut ad pavimentum ecclesiae tribus gradibus
ascendatur. Frons eius ad occidentem vergat.
Capella maior in capite ecclesiae loco tribus gradibus pavimento eminentiori
e regione ianuae primariae construatur, eius pars posterior in
orientem aequinoctialem versus recte spectet, quae amplitudine, altitudine
et structura ecclesiae convenienter [f. 204v] respondeat, et clathris ferreis
sepiatur. Capella baptisterii intus ad ostium maius et a latere, ubi evangelium
legitur, extruatur, cuius latitudo non minor cubitis septem sit, longitudo
autem ab ingressu usque ad parietem ducta cubitis item septem constet,
clathrisque ferreis in ingressu muniatur. In huiusmodi capellae medio
baptisterium collocetur, ad quod uno gradu descensus fiat.
A fronte, si non porticus, quae longitudine, latitudineque ecclesiae adaequet,
saltem vestibulum ante ianuam maiorem sit, quod ex duabus columnis
et tecto opere fornicato constet. Quod si in ea duae aliae capellae, pluresve
a particularibus vel societatibus extruendae erunt, id omnino servetur, ut in
medio intercolumnii, sive arcum, sive signorum fiant; eaeque in utroque
latere extruentur, quae ab ecclesiae corpore cubitis septem extent forisque
promineant, latitudo vero earum cubitis novem vel amplius esse poterit, ita
ut fenestra ab utroque eorum altaris construi possit; architectus in con-
265