san carlo 2 bassa bresciana.qxd - Brixia Sacra

BASSA CENTRALE
Flero, San Paolo
[a. Acta visitationis, ff. 170v-171r;
Brescia, XL, ff. 440v-441r]
[b. Decreta particularia, ff. 121r-122r;
Brescia, XXVII, ff. 61r-63r]
[a. CHIESA PARROCCHIALE DI SAN PAOLO DI FLERO]
[f. 170v] 1580 die dominico sexta mensis martii
Visitavit ecclesiam parochialem Sancti Pauli loci Fleri et intra eius fines
infrascriptas scholas et oratoria. Consecrata creditur. Sanctissimum Sacramentum
assidue conservatur in altari maiori, cui lampas expensis curati
praelucet. Baptisterium non est ad formam et loco incongruo situm. Altaria
quatuor adsunt videlicet altare maius et alia tria indotata. Legatum est
librarum 50 pro reparatione ecclesiae factum per appellatam la Gobetta, ad
quod tenetur dominus Vincentius Calciavera medicus qui hereditatem
emit. Sacristia 1 non est, paramenta servantur in bancis. Cimiterium non est
septum. Domus parochialis est ecclesiae 2 annexa cum viridario, quod in
parte occupatur per Nicolaum Salam. Redditus ecclesiae sunt librarum 250
vel circa quae solvuntur a domino Fabritio Nasino emphiteuta bonorum
dictae parochialis, pro quibus coram ordinario lis pendet occasione lesionis
et nullitatis contractus; curatus timet litem prosequi.
Curatus titularis est praesbiter Felix de Zanis brixiensis, aetatis annorum
55, legitime docuit de titulo et ordinibus, habitat in domibus parochialibus.
Nullum habet clericum. Animae sunt numero 750 vel circa ex quibus numero
350 sacram comunionem sumunt. Schola Doctrinae christianae non exercetur.
Schola Sanctissimi Sacramenti est antiqua, habet regulam non confirmatam.
Scholares in ea descripti sunt numero 130. Regitur a massario et duobus
sindicis qui non mutantur. Redditus nullos habet praeter eleemosinas.
[f. 171r] Oratorium campestre Sancti Zenonis clericatus nuncupatum,
inornatum, altare habet. In eo non celebratur, vertitur in usus profanos.
Redditus habet scutorum XV vel circa. Clericus titularis est reverendus
dominus Tranquilius Soldus canonicus.
23