san carlo 2 bassa bresciana.qxd - Brixia Sacra

BRIXIA SACRA
tione. Coemiterium non est septum. Sacristia adest. Domus parochialis
ecclesiae connectuntur. Fabricae ecclesiae contribuunt curatus et communitas
ad libitum.
Redditus annui parochiales sunt scuta 65. Rector titularis est Franciscus
Chiamus ex oppido Aquaenigrae, annorum 43, sacerdos, qui docuit legitime
de eius ordinibus et titulo beneficii. Scientia est tolerabilis. Habitat in
domibus parochialibus sine clerico. Animae sunt 500, quae sacram communionem
sumunt 370. Concubinarii duo, ut in libro procesuum criminalium.
Schola Doctrinae christianae exercetur frigide.
Confraternitas Sanctissimi Sacramenti. Antiquitus, ut dicitur, cepta est.
Non habet regulas approbatas. Regitur a sex consulibus, tribus sindicis et
massario qui singulis annis mutantur. Habet tantum eleemosynas, quae
impenduntur in cereis pro associando Sanctissimum Sacramentum et in
celebrationem duodecim officiorum pro mortuis ex scholae instituto.
Admnistrationum rationes singulis annis coram parocho redduntur. Fuit
alias visitata a reverendissimo episcopo Bollano ordinario.
1
Aggiunto in interlinea.
2
Corretto su perlucenti.
[b.] [f. 246v] In ecclesia Sancti Filastrii parochiali Mosii
Tabernaculum ligneum in quo teneatur Sanctissimum Sacramentum ad
decentiorem formam redigatur et conopeo decenti tegatur impensis societatis
Corporis Christi. Tabernaculum gestatorium redigatur ad praescriptum
instructionum, et sit tantum ad processionis et orationis quadraginta horarum.
Fiat pixis maior pro ministrando sacramento in ecclesia populo impensis
praedictae confraternitatis. Altera sit pixis minor ad usum deferendi
sacramentum ad infirmos, impensis titularis. Baptisterium construatur ad
formam instructionum, et locetur in capella construenda in ingressu ecclesiae
meridiem versus. Vascula oleorum sanctorum ad formam comparentur.
Sacrarium construatur in eadem capella baptisterii, alterum vero quod est in
choro sit ad usum communem abluendi corporalia, purificatoria et caetera.
368