san carlo 2 bassa bresciana.qxd - Brixia Sacra

BASSA ORIENTALE
sepeliatur, quinimo impleantur humo et obstruantur pavimento. Cum
sepulturas purgare opus erit, corpora illa et ossa in coemiterium Sancti Erasmi
transferantur. Insignia, arma, capsae, depositave mortuorum, quae
parietibus ecclesiae appensa sunt [f. 217v] contra praescriptum constitutionum
summorum pontificum et decretorum provincialum ac praesertim
duo illa vexilla, quae nuper relicta fuerunt, tollantur infra duos dies, quibus
elapsis nisi haec ordinatio exequutioni demandata fuerit, in eadem ecclesia
non celebretur donec sublata erunt.
Ne laycis chorum, neque sacristiam, neque intra clathram capellae
maioris ingredi liceat, sed omnino illis ingressus prohibeatur poena etiam
interdicti, auctoritate huius visitationis. In sacristia extruatur oratorium et
lavatorium ad formam instructionum, oratorium vero in loculo, qui nunc
est penes lavatorium. Super armaria ad servanda paramenta fiat armariolum
demissum et angustum pro asservandis calicibus, purificatoriis, corporalibus
et velis pro longitudine armarii multis loculis divisum. Comparentur
cum primum fieri poterit ad usum huius ecclesiae et altarium ac sacristiae
omnia necessaria, quae in instructionibus de suppellectili ecclesiae collegiatae
et parochialis et capellarum commostrata sunt.
Emantur nunc impensa archipresbiteralis praebendae pallium, dalmaticae
et planetae cum aliis indumentis albi coloris ad usum celebrationis in
pontificalibus et alia necessaria. Capituli vero sumptu provideantur planetae
et dalmaticae, cum pluvialibus, palliis et aliis necessariis pro divinis officiis,
violacei et viridis coloris, atque etiam libri cantus. Unaquaeque capella,
aut eius patronus capellanus sumptu suo sibi comparet calices, cruces,
tabellas, paramenta et alia pro missa celebranda necessaria et opportuna,
idque praestent etiam canonici, qui celebrant missam privatam canonicatus
sui nomine, vinum quoque, hostias, ceram et alia huiusmodi.
[f. 218r] Antequam sacerdos celebraturus exeat a sacristia, a clerico
accendantur lumina, ponantur ampullae cum vino et aqua et pelvicula super
altare, intortitia pro elevatione, quibus paratis pulsabitur campanula a clerico
dum redit ad sacristiam non autem a sacerdote celebraturo, ac deinde clericus
missale gestans exeat cum sacerdote. Super altare non ponatur birretum
nec aliud, quod ad missae sacrificium non pertineat. Singulis diebus
festivis et ferialibus prima missa diluculo, reliquae deinceps debito intervallo
distributae, postrema quanto tardius licebit, celebretur pro ratione temporis,
ut archipresbiter praescripserit, pulsata prius semel campana, qua
335