san carlo 2 bassa bresciana.qxd - Brixia Sacra

BASSA ORIENTALE
Castel Goffredo, Sant’Erasmo
[a. Acta visitationis, ff. 221v-224v;
Brescia, XXVIII, ff. 17r-22r; XL, ff. 149r-153v]
[b. Decreta particularia, ff. 196v-202r;
Brescia, XXVII, ff. 208r-214v, 223r; XXIX, ff. 19r-24r]
[a. CHIESA PARROCCHIALE DI SANT’ERASMO DI CASTEL GOFFREDO]
[f. 221v] Die 15 martii suprascripti anni
Visitavit ecclesiam parochialem praeposituram nuncupatam Sancti Erasmi
loci Castriguffredi et deinde intra eius fines infrascriptas ecclesias, cappellas,
oratoria, scholas et pia loca. Consecrata est et inornata ac populi incapax.
In ea Sanctissimum Sacramentum assidue asservatur cum lampade
praelucente impensis praepositi. Reliquiae sacrae in choro asservantur.
Baptisterium adest. Altaria septem sunt videlicet altare maius; altare Beatae
Mariae Virginis cum schola Rosarii; altare Sancti Francisci dotatum a
quondam domino Francisco Radenoldo quibusdam bonis, quorum annui
redditus sunt scutorum 40 cum onere celebrandi quotidie, cui oneri satisfit
per praesbiterum Hortensium Pallatium cappellanum amovibilem; altare
Sanctae Mariae Magdalenae dotatum a quondam presbitero Bartholomeo
de Corfinis, qui instituit com- [f. 222r] munitatem haeredem omnium eius
bonorum cum onere missae quotidianae; cappellanus amovibilis est praesbiter
Gaspar Parmenis annorum 48, qui docuit legitime de eius 1 ordinibus,
coadiutor in cura animarum cum facultate reverendissimi ordinarii, non
habet aliquod beneficium et habitat in domibus conductis, bene audit; altare
Sanctissimi Sacramenti cum schola sub eodem titulo quae in eo celebrare
facit quotidie ex devotione et necessaria ornatui dicti 2 altaris subministrat;
altaria reliqua indotata sunt.
Caemiterium est septum parietibus, per quod est transitus ad portam
cuiusdam layci. Sacristia adest. Dicitur adesse obligatio scutorum 400 in
favorem dictae ecclesiae ad quam tenentur illustres domini fratres Gonzaghae
ex conventione alias, ut dicitur, inita inter illustrem Aloysium patrem
et illustrem marchionem Trivultium. Domus praepositurales sunt contigue
ecclesiae intermedia via. Fabrica huius ecclesiae nullos habet redditus, sed
245