san carlo 2 bassa bresciana.qxd - Brixia Sacra

BASSA CENTRALE
Volongo, San Pietro
[a. Acta visitationis, ff. 195r-196v;
Brescia, XXXI, quinterno non numerato tra q. 43 e q. 13 (sic), 3 facciate]
[b. Decreta particularia, ff. 158v-160v;
Brescia, XXVII, ff. 89v-92r]
[a. CHIESA PARROCCHIALE DI SAN PIETRO DI VOLONGO]
[f. 195r] Die veneris XVIII praedicti mensis et anni
Visitavit ecclesiam parochialem Sancti Petri de Volunga archipraesbiteratum
nuncupatam et deinceps intra eius fines infrascriptas scholas et consortium,
que consecrata creditur; in ea Sanctissimum Sacramentum assidue conservatur
in tabernaculo super altare maiori, ante quod lampas ardet impensis
titularis. Baptisterium adest loco congruo non collocatum. Altaria quinque
habet, videlicet maius altare Beatae Mariae Annuntiationis in quo est cappellania,
dotatum antiquitus annuo redditu scutorum circiter viginti cum
onere celebrandi singulis diebus dominicis et feriis 24 et 6. Cappellanus
titularis est praesbiter Camillus de Ferrariis brixiensis, aetatis annorum 28
et satisfacit, legitime docuit de titulo et de ordinibus praeter de prima tonsura
et duobus ordinibus minoribus. Habitat in domo paterna.
Altare Beatae Mariae cum cappellania dotata annuo redditu aureorum X
et tot bonis quae possidentur ab infrascripto titulari praesenti et cum onere
missae in hebdomada et missis XII in anno. Cappellanus titularis praetensus
est praesbiter Bartholomeus [f. 195v] Zardinus parocus loci Fontanellae,
qui satisfacit per praefatum praesbiterum Camillum cum mercede
annua aurei unius. Altare Corporis Domini in quo est onus missae quotidinae,
ad illud tenetur consortium pauperum ex relicto quondam Francisci
de Patinis. Cappellanus mercenarius est praesbiter Faustinus Botarinus
brixiensis, aetatis annorum 44, alias congregationis Sancti Petri de Pisa non
tamen professus ut ex attestatione prioris monasterii Sancti Mathei Mantuae,
cui scuta viginti septem a consortio erogantur quottannis, exhibuit
facultatem ab ordinario impetrata celebrandi ad hoc altare.
Altare Sancti Rochi in quo onus missae singulis festis, ad illud tenetur
idem consortium ex relicto quondam reverendi Dominici de Mazonibus 1 ,
141