san carlo 2 bassa bresciana.qxd - Brixia Sacra

BASSA ORIENTALE
Casalromano, San Giovanni evangelista
[a. Acta visitationis, ff. 252r-v;
Brescia, XXVIII, ff. 77v-78v; XL, ff. 244r-245v]
[b. Decreta particularia, ff. 238r-239r;
Brescia, XXVII, ff. 169r-v; XXIX, ff. 64r-65r]
[a. CHIESA PARROCCHIALE DI SAN GIOVANNI DI CASALROMANO]
Die 14 aprilis suprascripti mensis et anni
Visitavit ecclesiam parochialem Sancti Ioannis Evangelistae loci Casalis
Romani et deinde intra eius fines infrascriptas oratorium, scholam, pium
locum. Est consecrata, angusta et inornata. In ea Sanctissimum Sacramentum
assidue asservatur cum lampade perlucenti impensis curati. Baptisterium
est incongruum. Altaria tria adsunt, videlicet altare maius, altare Beatae
Virginis [f. 252v] cum schola Sanctissimi Sacramenti. Coemiterium est
septum parietibus. Sacristia adest, sed angusta. Domus parochiales ecclesiae
annectuntur.
Parochus titularis est presbiter Orlandus de Caravagiis loci Casalis
Romani, annorum 56, qui docuit legitime de eius ordinibus et titulo beneficii.
Scientia in munere parochi vix est ferendus, quarum de consensu
reverendissimi episcopi datus est ei coadiutor cum assignatione aureorum
20 quotannis ex fructibus beneficii, cui coadiutori reliquum stipendii
populus suplere obligationis instrumento promissit. Habitat in domibus
parochialibus sine clerico. Fabrica ecclesiae nullos habet redditus, sed ad
eam parochus et communitas ad libitum contribuunt. Redditus annui
parochiales sunt scuta 200 vel circa. Dictum fuit quod arbores etiam frugifere
in bonis dicti benefitii inciduntur in damnum maximum dictorum
bonorum. Animae sunt 450, quae ex his sumunt sacram communionem
sunt 300. Schola Doctrinae chistianae non exercetur.
Schola Sanctissimi Sacramenti. Antiquitus erecta in praedicta ecclesia
ad altare Beatae Mariae Virginis. Non habet regulas approbatas. Regitur a
massario et duobus consulibus, qui quotannis mutantur vel confirmantur.
Habet tantum eleemosynas, si quae obveniunt, ex quibus celebratur missa
conventualis in prima dominica cuiuslibet mensis et duo officia pro mor-
409