san carlo 2 bassa bresciana.qxd - Brixia Sacra

BASSA ORIENTALE
annorum 25, subdiaconus, de ordinibus legitime docuit, quorum functiones
in predicta ecclesia exercet, pene nihil intelligit. Anime sunt circiter
3000, quae ex iis sacram communionem sumunt 1400. Schola Doctrinae
christianae exercetur ad institutum.
Schola Sanctissimi Sacramenti erecta est et aggregata archiconfraternitati
Sanctae Mariae de Minerva de Urbe cum indulgentiis solitis, ut patet ex bullis
obtentis. Non habet regulas comprobatas. Regitur a duodecim consiliariis
et duobus massariis qui singulis annis mutantur. Habet annuos redditus scutorum
quindecim, ex quibus providetur de necessariis ornatibus Sanctissimo
Sacramento. Rationes admnistrationis singulis annis archipresbitero praesente
fiunt. Visitata alias fuit a reverendissimo ordinario de anno 1569.
Societas Rosarii Beatae Virginis Mariae, erecta fuit de anno 1518 a fratre
2 ordinis Predicatorum. Regitur a priore, thesaurario et sex consiliariis
qui adhuc non fuerunt mutati. Nullos habet redditus praeter oblationes
quae dietim obveniunt eaeque in ornatum sui altaris distribuuntur.
[f. 221r] Ecclesia Sanctae Mariae Assumptionis extra oppidum Medularum
ad iactum lapidis, archipresbiteratus nuncupata, in qua alias cura animarum
exercebatur, quae postea translata fuit cum redditibus archipresbiteralibus et
oneribus ob maius populi commodum in praedictam ecclesiam Sanctae
Mariae Assumptionis, de consecratione non constat estque satis ampla, sed
fere ab omni ornatu destituta. Habet unicum altare in quo raro celebratur.
Oratorium Sancti Iusti intra moenia castri Medularum, parvum satis,
tamen decens, non consecratum neque dotatum est. Habet unicum altare
in quo non celebratur nisi in eius festivitate.
Oratorium Sancti Thomae rurale, distat ab oppido Medularum medio
miliarii et angustum est minimeque ornatum neque dotatum. Habet unicum
altare in quo raro celebratur.
Oratorium Sancti Rochi unicum altare habet sine redditibus, in eo est
confraternitas Disciplinatorum aggregata archiconfraternitati Sanctissimae
Trinitatis de Urbe cum indulgentiis solitis, ut patet ex bullis exhibitis. Dictum
oratorium scholares praedicti obtinent sine assignatione ab ordinario
facta. Non habet regulas comprobatas. Regitur ab octo officialibus qui sin-
237