san carlo 2 bassa bresciana.qxd - Brixia Sacra

BASSA ORIENTALE
[b.] [f. 239r] In ecclesia Sancti Bartholamei loci Fontanellae
Construatur capella in ingressu ecclesiae aquilonem versus, in qua locetur
baptisterium cum suo sacrario, et clathris ferreis sepiatur expensis communitatis
ad formam. Vascula oleorum sacrorum ad formam conflata comparentur.
Ad altare maius transferatur societas Corporis Christi, ad quod
scholares celebrari faciant missam singulis mensibus, ex instituto societatis
decantandam, et eleemosinae ac redditus dictae confraternitatis expendantur
in exornando tabernaculo et tenenda lampade, ut in visitatione promiserunt.
Sanctissimum Sacramentum in altari maiori perpetuo asservetur.
Lampas ante ipsum Sacramentum ardens teneatur impensis curati titularis
et societatis pro rata.
[f. 239v] Capella societatis Sanctissimi Sacramenti ad longiorem formam
redigatur, et clathra ferrea sepiatur impensis societatis. Habeat crucem, et
candelabra auricalchi. Sacristia amplietur, et in ea lavatorium et oratorium
construantur ad formam impensis communitatis. Planetae duae pro festis
diebus rubei et albi coloris cum suis manipulis et stollis impensis titularis
comparentur. Item purificatoria 20 ad formam, corporalia quatuor cum suis
sacculis, et totidem velis varii coloris, prout ratio temporum exigit, eiusdem
impensis. Missale unum novum. Umbella pro ferendo Sanctissimo Sacramento
ad infirmos a confraternitate ematur. Item pluviale unum albi coloris,
eiusdem societatis impensis. Coemiterium muro sepiatur impensis
communitatis intra biennium, et interim ligneis claudatur intra mensem.
Parochus titularis singulo anno impendat ducatos 20 in reparatione aedium
parochialium, quo ad commode in illis habitare poterit, incipiatque hoc
anno 1580. Parochus habeat clericum, qui a reverendissimo episcopo probatus
sit et semper in habitu et tonsura incedat, et ex fructibus beneficii alatur.
In ecclesia Sanctae Mariae campestri
Altare saltem cancellis ligneis sepiatur. Ex eleemosinis provideatur de cruce,
candelabris duobus auricalchi. Rector teneat clavem dictae ecclesiae
quae aperiatur tempore congruo.
[f. 240r] In ecclesia Sancti Domnini praedicti loci Fontanellae
Altare cancellis ligneis sepiatur, et candelabris duobus auricalchi ornetur.
Tectum lateri opere perficiatur impensis communitatis.
407