san carlo 2 bassa bresciana.qxd - Brixia Sacra

BASSA ORIENTALE
sublati, meminerit tamen altare maius praecipue devotionis esse debere
societati Corporis Christi, et ad illud sua munia, et praestare debere, in quo
praesertim missa conventualis in tertia dominica cuiuslibet mensis celebretur.
In posterum ne alienentur bona stabilia eiusdem confraternitatis, nec
ad longius tempus triennio locentur sine legitima ecclesiae auctoritate, illae
vero alienationes, quae de praeterito factae reperiuntur, uti nullae et nullius
momenti aut poenitus revocentur, aut si illas societati utiles iudicaverint
canonica concessione, consensuve fulciri quamprimum scholares curabunt,
et reverendissimus episcopus in primis.
Agatur coram reverendissimo episcopo pro executione legati quondam
domini Bartholomei Cremonensis contra haeredes comitis Annibalis de
Abdua ex voluntate testatoris, redditus et fructus omnes dictorum bonorum
expendant in puellis nuptui collocandis. Scholares singulis annis officiales
praeficiant, qui in fine administrationis ei, quem reverendissimus
ordinarius constituerit, rationem reddant. Schola Sanctissimi Sacramenti
cum non docuerit de eius legitima erectione, erecta nunc est iam ab illustrissimo
visitatore, servet regulas ad usum provinciae Mediolanensis editas.
[f. 226v] In ecclesia Sanctae Mariae Misericordiae confratrum
Disciplinatorum
Altare maius redigatur ad formam instructionum, et interim ne celebretur
ad dictum altare. Non habitetur in cubiculo supra ecclesiam, nisi orationis
caussa, alioqui celebrare non liceat in ipso oratorio. Calix cum patena deaurentur.
Confratres deinceps commessationes non habeant, regulas servent
ad usum totius provinciae Mediolanensis editas. Officiales singulis annis
praeficiantur, qui in fine administrationis reverendissimo ordinario, vel
alteri ab eo constituto rationem reddant.
In hospitali de Asula
Administratores in posterum diligentiores sint in administrandis bonis
hospitalis et praesertim in exigendis creditis, incumbantque exactioni veterum
creditorum, quae nunc restant. Debitores vero comprehensi schedula
iussu illustrissimi tradenda archipresbitero satisfaciant infra sex menses,
quod si non fecerint ne ad sacramentum poenitentiae admittantur donec
satisfecerint, ac de eo constiterit archipresbitero. Fiat in aedibus hospitalis
oratorium, quod etiam sit ad usum celebrandi missam aegrotis, quod sit ad
347