san carlo 2 bassa bresciana.qxd - Brixia Sacra

BASSA ORIENTALE
omnes functiones etiam in ecclesia archipresbiterali faciant ad praescriptum
conciliorum Tridentini et provincialis.
Reverendissimus ordinarius constituat, deputetve vicarium foraneum,
qui munus suum exerceat in oppido Asulae, nec deinceps archipresbiter sine
facultate scripta ab eodem reverendissimo ordinario concessa in non subditos
se ingerat, sed iurisdictionem ad praescriptum privilegiorum in canonicos
et capellanos titulares suae ecclesiae collegiatae duntaxat exerceat.
Notarius archipresbiteri servet taxam in foro episcopali praescriptam,
et in visitatione recognitam, tum in civilibus, tum etiam in criminalibus
caussis, aliisve rebus, quae vi privilegiorum per ipsum archipresbiterum
exerceri, gerive possunt. Ne item pro collatione, institutioneve canonicatuum,
capellarum, beneficiorumque iure per ipsum conferri et constitui
possunt, plus nummo aureo percipiatur omnibus sigillo, clathra, cera et
scriptura computatis, nec vero inde ullum emolumentum directe vel indirecte
percipiat archipresbiter, haecque omnia sub poena [f. 225r] restitutionis
dupli, et aliis poenis loco pio arbitrio reverendissimi ordinarii auctoritate
Tridentini concilii applicandis et exequendis.
Archipresbiter tribus festis diebus infra missarum solemnia decreta
omnia concilio primo et secundo edita ad haebreos, eorumque cum christianis
comercium pertinentia, nec non in bulla Pii quinti de hoc genere
populo publicet, ac pro eorum executione omnem diligentiam adhibeat;
qui vero christiani praedictis litteris apostolicis et decretis non paruerint,
ultra poenas in praefata bulla et decretis comminatas 50 scutis aureis plectantur
per vicarios reverendissimi episcopi locis piis arbitrio eiusdem episcopi
applicandis, nec non et excomunicatione in subsidium.
Reverendissimus episcopus quamprimum curet, ut ecclesia extra moenia
oppidi Asulae construatur seu ex ruralibus aliqua reparetur, orneturve,
quae familiis capsinarum commodior sit, praedictarum familiarum expensis,
in qua sacramenta omnia ministrari possint et illam in parochialem
ecclesiam erigat, assignata eius ministro, titularive pro tempore existenti,
competenti portione eius arbitrio ex fructibus ad ecclesiam matricem quoquomodo
pertinentibus perpetuo solvenda ab archipresbitero, statim ac
pensionis onere liberatus fuerit. Et interea unus ex canonicis curatis, coadiutorve
facilius ratione aetatis, qui hoc munus reverendissimi episcopi
iudicio subire possit, vicissim seu alternatim incumbat oneri curationis dictarum
animarum, qui diu noctuque resideat in dicta parochiali nuper erec-
345