san carlo 2 bassa bresciana.qxd - Brixia Sacra

BASSA CENTRALE
sepultura interdictos denuntiet; ac eorum nomina ad ecclesiae valvas affigat
ex praescripto concilii provincialis secundi.
Scholares Sanctissimi Sacramenti computa quottannis reddant ad presentiam
archipresbiteri. Nil a scholaribus praeter a sponte offerentibus exigant.
Regulam ad usum communem provinciae Mediolanensis edendam
habere procurent. Curent eleemosinas et oblationes convertere in manutentionem
necessariorum ad honorem Sanctissimi Sacramenti, cui est
schola dedicata 13 , deinde etiam in ornatum sui altaris. Ne in altari suo
tabernaculum aliquod habeant, cum inibi Sanctissimum Sacramentum non
conservatur. Archipresbiter curet omni studio hanc scholam augere eis
sepius promulgando indulgentias schola Sanctissimi Sacramenti concessas.
Clathra ferrea suae cappellae in corpus ecclesiae se extendentia retrahantur
ita ut recta sub arcu sit. Fenestra lateralis, per quam introspicitur cum missae
sacrum fit, eam infra octo dies muro obturari curent.
In oratorio Disciplinatorum
Altare latericium fiat, et cancellis sepiatur ad formam intra sex menses, et
interim in eo non celebretur. Computa reddantur ad praesentiam archipresbiteri.
[f. 133v] Habeant regulas impressas ad usum Disciplinatorum
totius provinciae Mediolanensis.
In oratorio congregationis Nominis Dei
Altare vacuum impleatur, et cancellis sepiatur, eique de lapide sacrato provideatur
ad formam. Pavimentum fiat, haecque omnia infra sex menses.
Libri rationum melius regantur et computa fiant ad praesentiam archipresbiteri.
Ne regulas et decreta augeant vel mutent absque licentia reverendissimi
ordinarii. Archipresbiter quamprimum summarie se deveniat ad
expeditionem causae compromissi in eum factum inter scholares praedictos
et Ioannem Mariam Brugnolum.
In oratorio Sancti Rochi
Altare maius cancellis sepiatur in superiori gradu cappellae, et lapis sacratus
in eo inseratur. Bradella ad formam fiat. Alia duo altaria lateralia
restringantur, et ad formam reducantur cancellisque sepiantur, et interim
in eis non celebretur. Computa oblationum quottannis ad praesentiam
archipresbiteri.
63