san carlo 2 bassa bresciana.qxd - Brixia Sacra

BRIXIA SACRA
habebit. Est alia domus archipraesbiteralis satis decens, quae annexa est
ecclesiae et aliis aedibus canonicalibus.
Haec ecclesia alias parochialis erat, plebs nuncupata, in qua ultra alios cappellanos
perpetuos, tres perpetui cappellani, canonici nuncupati, curam animarum
cum archipresbitero dictae ecclesiae pro tempore exercebant per 2 turnum
haebdomadam suam facientes ac dicta officia incipientes, verum a felicis
memoriae Iulio secundo collegiatam insignem erecta fuit cum una dignitate
principali archipresbiterali nuncupata et octo canonicatibus, videlicet unam
dictarum cappellaniarum in duos canonicatus et alias duas ex praedictis tribus
cappellaniis in duos canonicatus, quorum alteri applicata fuit ecclesia campestris
Sancti Petri in Celorio de Asula, altera vero ecclesia Sancti Petri de
Odeardo de Barchis pro eorum dote 3 , quibus cura animarum una cum archipresbitero
iminet ut supra, et quatuor alii canonicatus constituti sunt, quibus
deinceps alii tres additi fuere, ita ut de praesenti undecim canonicatus sint.
Est exempta haec ecclesia a iurisdictione, visitatione, superioritate reverendissimi
episcopi Brixiensi et Sedis Apostolicae immediate subiecta, ita
ut in dictam ecclesiam archipresbiterum, capitulum et canonicos aliasque
personas ecclesiasticas eiusdem ecclesiae iurisdictionem 4 ordinariam exercere
non valeat, sed omnis potestas est, ut etiam ipsi archipraesbiteri et
canonici dixerunt, apud archipresbiterum sedem apostolicam eiusve delegatos
coherendi, condemnandi dictos canonicos et personas ut supra.
Capitulum item praedictum gaudet omnibus privilegiis et indultis quibus
capitula aliarum collegiatarum ecclesiarum gaudent; item statuta ordinationes
pro regimine dictae ecclesiae administratione et fructuum et proventuum
mensae capitularis divisione divinique officii celebratione sacris
canonibus non contraria facere et condere potest; item almutias deferendi
ad instar cathedralium ecclesiarum.
Habet item archipresbiter ius deferendi mitriam et anulum et baculum
pastoralem et alia pastoralia insigna in omnibus ecclesiis et monasteriis eiusdem
oppidi ac de licentia ordinarii in aliis quibuscumque locis, ad quae
ipse declinare contigerit benedictionem solemnem post missarum vesperarum,
mattutinorum et aliorum divinorum officiorum, solemnia elargiri et
indulgentiam quadraginta dierum omnibus utriusque sexus penitentibus et
confessis inibi [f. 236v] existentibus concedere possit, quibus privilegiis
etiam nunc utitur et fruitur ac iurisdictionem omnem etiam in criminalibus
causis ad praescriptum privilegiorum exercet. Videtur tum nescio quid
320