san carlo 2 bassa bresciana.qxd - Brixia Sacra

BASSA CENTRALE
sacristia fiant ad formam e lapide solido. Provideatur de corporalibus
numero vigintiquatuor et purificatoriis [f. 173r] numero quinquaginta ad
formam instructionum. Item de paramentis, quae desunt pro ratione ecclesiae
collegiatae et parochialis, ex praescripto instructionum.
Reparetur, aedificeturque congrua domus pro habitatione praepositi et
coadiutoris impensis illustrissimi titularis, contribuant vero illustris 5
comes Nicolaus et haeredes illustris comitis Lucretii de Gambaris, et alii
qui debent huic impensae totam eam summam, quam debent ratione
demolitionis aedium parochialium eorum iussu olim factam ad usum, ut
dicitur, plateae huius oppidi, idque quamprimum fiat etiam ad exonerationem
animae comitis Lucretii. Cappellanus altari Sancti Iacobi, cui onus
incumbit coadiuvandi in cura animarum, cuique eo nomine persolvunt
nunc quinquaginta aurei quotannis 6 computato onere missae, praestet
suum munus tum missae quottidianae tum coadiuvandi vicario in cura animarum.
Vicarius et canonici omnino servent statuta ab illustrissimo domino
Gambara eis data, quorum exemplum unusquisque canonicus apud se
habeat sub poenis in eis contentis et aliis ad arbitrium reverendissimi episcopi,
ac praeterea decreta provincialia ad illos pertinentia. Pro culpa vero
praeterita solvant singuli aureos tres in paramentis sacristiae expendendis,
de cuius rei exequutione testimonium nobis afferant infra mensem.
Quicunque cappellarum vel legatorum piorum quovis nomine titulove
celebrare debent, celebrent in ecclesia, ubi ex pia dispositione debent, non
autem in aliis ecclesiis vel oratoriis, alioqui eandem poenam incurrant, ac si
non [f. 173v] celebrassent, sitque liber, in quo quottidie subscribant postquam
celebrarint ad praescriptum concilii Tridentini. Canonici quatuor,
provisi ab illustrissimo cardinali Gambara uti praeposito huius ecclesiae
post concilium Tridentinum sine examine et probatione reverendissimi
episcopi contra dispositionem dicti concilii, novam provisionem obtineant
legitimam infra duos menses, alioquin ordinarius agat contra eos ad privationem
nec non restitutionem fructuum, ut iuris fuerit.
Diaconus et subdiaconus diebus festis sacris vestibus induti missae cantatae
adsistant ad praescriptum concilii provincialis quarti. Vicarius et canonici
cappellani binas in hebdomada congregationes faciant et casus conscientiae
inter se conferant. Ne absque superiori veste per locum Verolae incedant sub
poena iulii unius quotiescumque aliquis eorum contrafecerit, applicandorum
loco Montis pietatis, et alia arbitrio reverendissimi episcopi. Cappellani et alii
181