san carlo 2 bassa bresciana.qxd - Brixia Sacra

BRIXIA SACRA
ductis. Animae sunt circiter 660, quae ex his sacram communionem
sumunt sunt 450. Schola Doctrinae christianae exercetur frigide.
Schola Sanctissimi Sacramenti, instituta et erecta antiquitus in ecclesia
Sancti Bernardini. Non habet regulas approbatas. Regitur a massario, duobus
sindicis et novem consiliariis qui singulo anno mutantur. Redditus
annui librarum 130 ex legato relicto a quondam Antonio Bergamo cum
onere missae quotidianae ut in statu altaris; item habet etiam alios redditus
librarum 70 quae impenduntur in ornatum altaris Sanctissimi Sacramenti et
in lampades perlucentes diebus festis ante dictum altare. Computa fiunt
singulis annis cum interventu alicuius curati. Fuit visitata a reverendissimo
episcopo Bollano ordinario.
Schola Sanctissimi Rosarii erecta in ecclesia Sancti Bernardini ad altare
Beatae Virginis Mariae a reverendo fratre Iulio Rotella ordinis Predicatorum
de anno 1579. Regitur a priore et massario. Celebratur [f. 229v] semel
in mense ex devotione. Nullos habet redditus praeter collectas quae simul
cum expensis describuntur in libris recto ordine, sed adhuc non fuerunt
suppetate rationes administrationum.
Ecclesia Sancti Blasii parochialis Aquaefrigidae. Consecrata est, sed cum
ipsa non exerceatur cura animarum est pene destituta, ipsius tamen amplitudo
et forma est satis decens. Habet tria altaria non dotata in quibus aliquando
celebratur ex devotione. Titularis et redditus videantur supra in
statu ecclesiae Sancti Bernardini. Habet coemiterium septum parietibus.
Oratorium campestre Sanctae Brigidae est angustum, sine aliquo ornatu,
apertum cum unico altari in quo non celebratur neque habet redditus.
Oratorium Sancti Vicentii societatis Disciplinatorum
Situm est in loco Aquaefrigidae satis patens cum altero oratorio superiori
quo conveniunt confratres ad orandum. Non est consecratum. Habet unicum
altare in quo semel in mense celebratur ex confratrum devotione. In
hoc oratorium 2 est schola Disciplinatorum qui habent redditus annuos
librarum 25 ex bonis emptis a scholaribus ex eleemosynis collectis qui in
ornatum dicti oratorii impendunt.
Mons pietatis in domibus massarii pro tempore exhistentis exercetur.
Capitale est ducatorum 200 in pecunia existens et augetur ex eleemosynis.
284