san carlo 2 bassa bresciana.qxd - Brixia Sacra

BRIXIA SACRA
cipuumque munus est ut ipsum Sacramentum, ea quam decet reverentia,
tractetur et asservetur. [f. 208v] Singulis annis scholares praeficiantur, et a
reverendissimo ordinario, vel saltem a vicario foraneo confirmentur. Rationem
item administrationis in fine anni reverendo vicario foraneo reddant.
Archipresbiter extincta pensione singulis annis in reparatione ecclesiae et
paramentis ad ornatum altaris, et usum celebrationis missarum, impendat
scutorum 60 donec redacta erit ad formam iudicio ordinarii probandam, et
interim scutorum 15 singulis annis expendat. Coemiterii murus perficiatur,
ad eamque altitudinem undequaque extollatur, quae instructionibus fabricae
praescripta est. Ostia lateralia, quae ducunt in coemiterium, claudantur, quae
tamen permittuntur quo ad altera navis extructa erit, quia tunc in fronte
ecclesiae tres portae fieri debebunt. Archipresbiter habeat clericum ex fructibus
sui beneficii, qui idoneus sit, et semper incedat in habitu et tonsura.
Oratorium in sacristia construatur ad praescriptum instructionum. Fiant
planeta, dalmaticae, pluviale et reliqua ad paramentum integrum necessaria
albi coloris, impensis archipresbiteri, societatis Corporis Christi et Beatae
Mariae Rosarii. Purificatoria 30, corporalia tria cum tot sacculis varii coloris
pro temporis varietate comparentur ad praescriptum instructionum. Planetae
binae fiant cum suis manipulis, et stollis, altera violacei coloris et viridis
pro usu dierum festorum. Pelviculae duae auricalchi procurentur.
In ecclesia Sanctorum Faustini et Iovitae archipresbiterali olim, et curata
Ecclesia Sancti Faustini reparetur impensis archipresbiteri. Aperiatur ostium,
quod apparet in frontispicio eiusdem ecclesiae, et per illud ingressus fiat. [f.
209r] Ostium laterale muro claudatur. Altare maius redigatur ad formam
instructionum, et cancellis saltem ligneis claudatur. Altaria duo lateralia statim
tollantur. Pavimentum aequetur. Parietes interiores incrustentur et dealbentur,
picturae item, quae in nicia ex vetustate collapsae sunt, renoventur.
In oratorio Sanctorum Quirici et Iulitae
Praedictum oratorium reparetur, et altare ad formam redigatur. Nicia dealbetur,
et renoventur picturae vetustate collapsae. Campanile poenitus
destruatur. Ostia lateralia muro obstruantur, ianua vero maior sera et clave
claudatur, eaque penes archipresbiterum retineantur. Parietes intus resarciantur,
et dealbentur. Coelo suffita adhibeatur, quae omnia archipresbiteri
sumptibus fiant.
296