san carlo 2 bassa bresciana.qxd - Brixia Sacra

BASSA CENTRALE
In oratorio Disciplinatorum
Altare latericium fiat ad formam mensaque e tabulis confecta super imponatur,
in qua altare portatile inseratur ad formam instructionum. Conopaeum
super altari appendatur. Bradella ad formam fiat, et clathris sepiatur.
Scholares ne marchettos quatuor quotannis 18 solvere cogantur, sed tantum
a sponte offerentibus exigi possint. Ne commessationes in die iovis sancti
aliisve diebus faciant sub poena privationis.
[f. 168r] In ecclesia Sanctae Mariae Ripae Olii
Provideatur de altari portatili ad formam. Fenestrae vitro contegantur.
Campanile fiat. Labrum pro aqua sancta decens comparetur et apud portae
ingressum a manu dextra collocetur. Fenestella pro urceolis ad formam
fiat. Sacristia fiat a parte meridionali separata a campanili cum oratorio et
lavatorio ad formam. Provideatur de corporalibus et purificatoribus ad formam.
Reliquiarium decens fiat supra altare maius, in quo reliquiae tute
asserventur. Fenestrae laterales prope portam maiorem muro obturentur.
Non celebretur in hac ecclesia sine episcopi facultate scripta.
In ecclesia Sancti Andreae archipresbiterali
Ponantur cancelli lignei super gradu superiori cappellae, qui tria illa altaria
complectantur. Fenestra post altare maius muro claudatur. Fenestrae aliae
duae in cornibus altaris amplientur. Altare maius ad formam aptetur cum
bradella. Ecclesia incrustetur et dealbetur. Ostium, per quod ab ecclesia in
viridarium exitus patet, muro obstruatur.
In oratorio Sancti Marci in castro
Altare cancellis sepiatur, et lapis sacratus amplietur. [f. 168v] Oratorium
soffitetur. Labrum pro aqua sancta decens fiat, et apud portae ingressum a
manu destra collocetur. Provideatur de omnibus paramentis necessariis
tam ad usum altaris quam celebrationis missarum.
In oratorio Sancti Vitalis in loco del Campacio
Altare maius cancellis sepiatur super gradu cappellae. Provideatur de lapide
sacrato ad formam, item de candelabris aeneis. Fenestra lateralis altari
altius exedificetur mediaque illius pars inferior obturetur. Altaria lateralia
tollantur. Oratorium totum incrustetur et dealbetur. Pavimentum e cae-
167