ANAR Əsərlər VI ssenarilər, tərcümələr Bu kitabın çapı Ekson ...

Elə bildim məsumdu
Sant Yaqo gecəsiydi
Sanki dilbir olaraq
Söndü bütün işıqlar
Susdu cırcıramalar.
Yuxulu döşlərə toxunanda mən
Yasəmən sayağı açıldı onlar
Uzun paltarının ətəkləriylə
İpək pərdələr tək xışıldayaraq
Oxşadı səslərlə qulaqlarımı
Bu aysız gecənin qaranlığında
Ağaclar elə hey pıçıldaşırdı
İtlər də uzaqdan, lap uzaqlardan
Elə hey hürüşür, hürüşürdülər.
Zil qara hörüyün torpağa basdım
İpək qalstukumu çıxardım bu dəm
O da paltarların çıxardı bir-bir.
Koburlu kəməri açdım tələsik
Dörd ətək korsajın çıxardı o da.
Yasəmən dərisi ay işığı tək
Par-par parlayırdı — inci, yaqutdu
Budları balıq tək çabalayırdı
Gah sakit olurdu, gah alışırdı.
Dünyanın ən gözəl, sonsuz yoluyla
Çapdım səhərəcən atlas madyanı.
Özünü kişi sayan heç ağzını boş qoymaz
Mənə dediklərini təkrar edə bilmərəm
Dan sökülən zaman o
Üstü qumlar, öpüşlər
Ayrıldı, çıxıb getdi.
Mən özümü apardım
Qaraçı cəngavər tək
Ona xatirə üçün
559