Nafarroako euskararen historia soziolinguistikoa

Oinarri Teorikoak
Irudian ikus daitekeenez, kanpoko zirkuluak, atomoaren egiturarekin
paralelotasunean (1981: 31), barnekoen inguruan antolatuta daude
eta talde soziolinguistikoekin berdin gertatzen da. Hizkuntzarentzat,
hizkuntz komunitatearen bizitasunerako, alegia, garrantzirik gehien
duena AB taldea da. Gero BA taldea. Biek euskararen garapen osoa erakusten
dute eta bien artean gune sinboliko deiturikoa eratzen dute (1987:
203).
Hizkuntz komunitatearen gorabeherak ulertzeko erabilgarria da artikulazioaren
eta desartikulazioaren ideia. Hizkuntz komunitate artikulatu
edo egituratua AB+BA gunearen inguruan antolatuta dagoena da.
Baina hizkuntz komunitatearen erdigunean AB eta BA taldeen ordez Ø
taldea —hizkuntzaz ez dakitenak, hots— jarri eta besteak baztertu egiten
badira, orduan artikulazioa puskatuta gelditzen da, komunitatea
hutsune baten inguruan eratuta gelditu baita.
5. irudia. Hizkuntz komunitate desegituratua (Iturria: Sanchez Carrion 1987: 223)
Gune sinbolikoa
Gune sinbolikoa, esan bezala, hizkuntzaren garapen osoa gauzatu eta
hizkuntza horretan pentsatzen duten AB eta BA taldeek osatzen dute.
Gune sinbolikoaren definizioa, Txepetxen hitzetan, hauxe da:
Definimos el espacio simbólico como el núcleo de hablantes que dotan a
su lengua de un desarrollo completo. O, correlativamente, el núcleo de
hablantes que tienen un desarrollo lingüístico completo en esa lengua.
(ibid.: 65)
138