Nafarroako euskararen historia soziolinguistikoa

Erdal Hizkuntz Komunitatea eta Euskara
Lehenago, apirilaren 29an, Gobernazioko ministroari hitz egin ziola
adierazi zion Iruñeko alkateari, eta maiatzaren 13an beste ohar bat igorri
zion Hezkuntzako ministroaren erantzunaren berri emanez.
Hezkuntza ministroak gutun bana idatzi zien Larrondori —“con el
mayor gusto tendré presente el deseo de V.”— eta Irazoquiri —“á la
mayor brevedad posible se dictará la resolución que proceda”— auziaz
arduratuko zela aginduz. Halaber, Grazia eta Justiziako ministroaren
eskutitza (1900-05-17) dugu, zentzu berean zihoana.
Laburbilduz, Iturengo postua maisu erdaldun bati bermatze lanean
hiru ministro —Hezkuntza, Justizia eta Gobernaziokoak—, senadore
bat, diputatu bat, gobernadore zibila eta Iruñeko alkatea ditugu elkartuta.
Politikoki denetatik zegoen: liberalak, kontserbadoreak eta karlistei
loturikoak, baina ezberdintasun politikoen gainetik komun zutena zegoen:
elite politiko-ekonomikoko kidetasuna, estatu aparatuarekiko leialtasuna…
eta erdararen interesen defentsa.
Zauri handiak utzi zituzten Iturengo gertaerek eta hiru urte beranduago
oraindik irekita segitzen zuten. Campionentzat, euskaldunek
euren hizkuntzari uko egin izanaren erakusle mingarria izan zen eta
horrela salatu zuen Irungo Euskal Jaietako 1903ko irailaren 27ko hitzaldian:
Sabéis, señores, lo que sucedió entonces [Aranzadi eta Campionen
1900eko eskutitzak argitaratu zirenean]? Que desde Ituren remitieron á la
prensa una contraprotesta aplaudiendo el nombramiento, cebándole para
que produjese todo el estrago posible. (…). Así, como lo oís, brutalmente,
sin velo ni rebozo: el utilitarismo más pedestre y grosero; utilitarismo de
aldeanos codiciosos.
(1976: 176-7)
Campionen hitzak gogorrak eta, bidenabar, elitismo kutsukoak baldin
baziren, ez zen samurragoa Iturendik Diario de Navarra-k argitaratu
zuen erantzuna:
Bien merece (…) San Martín nuestro religioso reconocimiento (…) por
haber querido nuestro Santo Patrón desagraviar con su protección á
estos sus honrados, nobles, hospitalarios devotos muy dignos de consideración
y respetos de los insultos y sandeces —de los que protestamos
con indignación— que un caballero poco digno se permitió contra ellos
en sus exhabruptos de Irún, atacando su nobleza é hidalguía tan proverbiales.
¡Valiente tonto! ¡Buen campeón para propagar la barbarie!
Perdónalo Señor —que no sabía al fin— que á cada campeón le llega su
San Martín.
(De Ituren. Diario de Navarra, 1903-11-17)
434