Leibniz, Akademie-Ausgabe, Bd. I, 23 - Gottfried Wilhelm Leibniz ...

142 leibniz an mario fiorentini, 5. März 1704 N. 103
103. LEIBNIZ AN MARIO FIORENTINI
Hannover, 5. März 1704. [242.]
Überlieferung: L Konzept: LBr. 273 Bl. 6. 4 o . 2 S. Bibl.verm.
Vir Illustrissime
5 Franciscus Maria Florentinus parens Tuus vir celeberrimus in opere de rebus magnae
in Italia Principis Mathildis citat vitam ejusdem Mathildis nondum editam, quam ait
extare Manuscriptam Lucae in Bibliotheca S. Mariae Curtis Orlandini ut apparet ex
libri tertii pag. 3 et pag. 71. Hujus vitae manuscriptae copiam nancisci optarem, quia
mihi monumenta ad Historiam Brunsvicensem atque Estensem colligenti, locum in iis
10 non contemnendum habitura judicatur, nam Matildis Estensibus cognata censetur.
Itaque jam semel expertus summam humanitatem Tuam atque officiositatem, quando
Martyrologium antiquum olim a Domino Barone Blumio creditum remisisti in Germaniam,
audeo iterum pulsare fores tuas, atque hoc a Te expetere adjumentum studii in
colligendis Historiarum documentis mei.
15 Ego saepe in excellentis viri parentis Tui scriptis diligentiam, judicium, doctrinam
denique sum admiratus. Ego magis optarem si qua ejus affecta supersunt publico non
invideri, Te praesertim successore, cui necessaria adsunt omnia doctrinae subsidia, ut
augeantur perficianturque quae ille suscepit. Non dubito quin magnum reliquerit apparatum
diplomatum ex Tabulariis Lucensibus aliisque, et veteres Codices quibus Historia
20 praesertim Italica illustrari possit vel habuerit, vel inspexerit excerpseritque; atque inaedificaverit
non unum praeclarum aedificium, his tamen solidis fundamentis. Sed et in aliis
doctrinae generibus et Te et illum praestantem scimus. Mihi autem singulari est voluptati
nosse egregiorum virorum molimina, ac, si non aliter certe exhortando promovere. Quod
superest vale. Et si respondere vacat, aut favere licet, aut mandare aliquid placet, literas
25 destina a l S i g n o r Z a n o v e l l o A g e n t e d i B r o n s v i c i n V e n e z i a.
Zu N. 103: Die nicht gefundene Abfertigung eröffnet Leibniz’ direkte Korrespondenz mit M. Fiorentini
(ein früherer Kontakt war über A. Magliabechi hergestellt worden, vgl. Z. 11–13 u. Erl.) und wird
beantwortet durch N. 242. 5 opere: F. M. Fiorentini, Memorie di Matilda la gran contessa, 1642
(Leibn. Marg. 195). 8 pag. 3 et pag. 71: vgl. die Verweise von Leibniz’ Hand in dessen Marginalexemplar
(s. o.). 11–13 quando . . . Germaniam: vgl. zur Rückgabe von Wolfenbüttel Herzog August
Bibl. cod. guelf. Weissenburg 81 mit dem M a r t y r o l o g i u m Hieronymianum I, 6 N. 339 u. Erl.
20. 7. 2012