Leibniz, Akademie-Ausgabe, Bd. I, 23 - Gottfried Wilhelm Leibniz ...

796 william wotton an leibniz, 16. (27.) September 1704 N. 540
omnia accuratissime delineantur.
Doleo multum ob Schilteri vestri et Mejeri Fata; Studiis enim in quibus egregii
isti viri inclaruerunt impense delector. Complures ex Dania et Suecia Libros et Scandinaviorum
Lingua veteri, et de illorum Antiquitatibus conscriptos mihimet comparavi,
5 quos dies noctesque quantum per alia negotia, et per fractam valetudinem licet evolvo.
Utinam Indicem mihi dares Librorum, quos in vestris partibus facile comparavero, ex
quibus et Linguam, et Antiquitates et Leges Germaniae priscae ediscerem. Quales Libros
si nancisci possim, felicissimum me fore existimavero. Georgii Hickesii quondam Decani
Wigorniensis vastum opus Grammaticum et Philologicum, in quo Linguas omnes vete-
10 res Septentrionales ex communi Gothico fonte provenientes [accu]ratissime illustrabit,
Antiquitatesque patrias simul et reliquarum Teutonicarum Gentium luculenter explicabit,
duobus constans voluminibus in folio, quotidie ex Oxoniensi praelo exspectamus.
Juniique Glossaria quae memoras in tuis litteris, tandem proditura non desperamus. Et
ut videas quam gnaviter hisce Studiis nos incumbimus, Edvardus Lhuydius Cambrobri-
15 tannus, Musei Ashmoleani apud Oxonienses custos, Vir in naturali Historia Lapidum
praesertim ac Stirpium ad miraculum doctus (ut ex sua Lithologia Britannica jam olim
edita liquido apparet), Opus aeque grande ac Hickesianum jam memoratum, molitur, in
quo quicquid ad Linguas et Antiquitates Cambrobritannicas, Hibernicas, et Aremoricas
enucleandas pertinet accuratissime illustrabit. Primum volumen jam sub praelo sudat,
20 brevi proditurum, in quo Lingua Hibernica illustratur; in caeteris quae sequentur, Antiquitates
Hibernicae, Wallicae, Cornubienses et Aremoricae describentur.
Quod Ill mus Spanhemius Dissertationes suas de Praestantia et Usu Numismatum
altero tanto auctiores jam Londini excudit, te ut credo non latet. Intra annum illas
expectamus. De meis Studiis si quid scire cupis haec accipe. Haeredes magni illius Philo-
25 sophi Roberti Boylei chartas omnes Schediaque cujuscunque generis quae in Museo ejus
inveniri potuerunt mihi commendarunt, ut ex illis, Librisque ejus editis Historiam vitae
operumque eximii illius Viri consarcinarem: Qua finita Linguae Antiquitatibusque patriis
2 Schilteri . . . Fata: Tatsächlich starb J. Schilter erst am 14. Mai 1705; vgl. N. 319 u. Erl.
9 opus: G. Hickes, Linguam Vett. Septentrionalium thesaurus, 1703–1705. 13 Glossaria: vgl.
N. 319 Erl. 16 Lithologia: E. Lloyd, Lithophylacii Britannici Ichnographia, 1699. 19 Primum
volumen: E. Lloyd, Archaeologia Britannica, 1707. 26 Historiam vitae: Wotton plante zwischen 1696
und 1709 eine Biographie von R. Boyle, deren eigentliches Manuskript verloren ist; zugehöriges Material
hat sich aber erhalten in London British Library Add. MS 4229 f. 1–32, gedr. in: M. Hunter, Robert
Boyle by himself and his friends, with a fragment of William Wotton’s lost Life of Boyle, London 1994,
S. 111–148. Vgl. ebd., S. XXXVI–LIV, zur Geschichte des Projekts.
20. 7. 2012