Leibniz, Akademie-Ausgabe, Bd. I, 23 - Gottfried Wilhelm Leibniz ...

352 leibniz an lorenzo alessandro zacagni, 8. Mai 1704 N. 248
cogitarem, unde capitulorum indicem Tua aliquando liberalitate descriptum impetraram.
Qui an uno tempore scriptus sit in codice, an inscriptiones capitum contineat textui insertas
nosse etiam velim, ita enim ipsa distinctione magis prodessent. Caeterum non tantum
libenter praestabitur, quicquid opus erit impendi, sed et occasio erit praedicandae apud
5 nostros benignitatis Tuae, cujus condignam rationem haberi par erit. Praesertim cum
Dn. Nomius significaverit observatum Tibi aliquid ad firmandam augendamque Genealogiam
horum principum, quo indicato non nos tantum sed et illos Tibi obligabis, itaque
rogo ut loca unde petisti notitiam, sive diplomatum sint sive scriptorum, ipsis verbis
communicare mecum velis quam primum. Ego enim dudum effeci ut intelligerent nostri
10 quod olim minus curabatur, Historiam monumentis innixam esse debere.
Caeterum praeter nostratis Historiae curam ego duplicem in me suscepi provinciam,
unam Codicis juris gentium diplomatici edendi, alteram Accessionum Historicarum producendarum.
Utriusque operis specimen dedi. In Codice illo juris gentium inserui diplomata
pertinentia ad Rempublicam, quorum aliqua ex ipsis Aulis mihi sunt missa, quod
15 ea publicari e re videbatur. Sed quis locus orbis plura dare posset et meliora quam Roma?
In Accessionibus Historicis quosdam scriptores Historicos medii aevi antea ineditos
produxi, quibus haud dubie addi aliqua possent ex Tuae custodiae thesauris, sed quae
infra Tuam curam essent; praesertim quibus Germanicae antiquitates illustrarentur. Ezechieli
Spanhemio V. Cl. concessit olim Pontifx Max. Alex[ander] VII. ut Palatinos Codi-
20 ces Vaticanae Bibliothecae illatos perlustraret, circumspiceretque an aliquid intus esset
utile Palatinae Historiae. Ego optarem indicem Codicum saltem Latinorum Bibliothecae
Palatinae posse impetrari[.] Fortasse enim inde nonnihil lucis haberi posset. Haec Tuo
beneficio non despero me debiturum, si conniti velis, pro ea qua vales gratia. Est enim
Pontifex Maximus qui nunc sedet, magnus non fautor tantum, sed et arbiter studiorum; et
25 Eminentissimi Cardinalis Pamphilii doctrinam et humanitatem omnes praedicant. Dabo
autem operam et curam ne Tua juvandi propensio male collocari videatur. Quod superest
vale diu et me amare perge. Dabam Hanoverae 8 Maji 1704.
1 impetraram: vgl. N. 95 S. 132 Z. 9 Erl. 6 significaverit: vgl. N. 168. 14 ex . . . missa:
vgl. mit mehr Detail N. 247. 19 concessit: Diese Nachricht dürfte auf einer mündlichen Mitteilung
E. Spanheims beruhen. Zu Spanheims Romaufenthalt Herbst 1661 – Frühjahr 1665 vgl. V. Loewe, Ein
Diplomat und Gelehrter. Ezechiel Spanheim (1629–1710), Berlin 1924, S. 17–21.
20. 7. 2012