Leibniz, Akademie-Ausgabe, Bd. I, 23 - Gottfried Wilhelm Leibniz ...

630 hermann von der hardt an leibniz, 15. August 1704 N. 452
quondam expeditissimus coeli interpres Mercurius, junctis his distichis:
Accubuere Dei. Quid agat cum Baucide conjux,
Unus ubi villae pauperis anser opes?
Hunc tamen hospitibus Domini mactare paratis,
5 Sed levis annosas effugit ille manus.
Unica vivat avis vestrae custodia villae,
Talibus hospitibus nam voluisse satis 1 .
Quotiescunque posthac, quod fiet saepius, hanc contemplabor imaginem, casulae
meae ornamentum, Tui, non interpretis Deorum, sed Praesidis, hospitis illustrissimi, im-
10 memor nunquam fuero. Nec mihi in villula mea conjux, non liberi, non apparatus, nihil
suave et blandum, nihil dulce et delicatum, nihil ex Veneris et Bacchi lusibus, praeter
anseres. Horum strepitus, musica dulcis: Horum alae, arma et praesidia: Horum adeps,
unguentum et medicina mea. Hos servare, officium, hos alere, negotium, haec voluptas,
haec vita mea! Tibi proinde, at quanto hospiti, Deorum arbitrio, quid praeter anserinas
15 plumas? Baucidis hospitium, tenuem villam! Commentationes veterum ac recentium, vatum
et poetarum oracula, historicorum et oratorum effata, philosophorum apophtegmata,
sapientum monita, anserinus strepitus, sed gratus, sed dulcis, aures animumque mulcens.
Horum theatrum, museum, anserum forte stabulum. Hae alites, alis et calamis rapiuntur
aëremque permeant: Ut candidissima sunt veterum sapientum monumenta, ad nos
20 ex remotis terris perlata. Calami calamitatis et barbariei remedia. Sine plumis anserinis
rara quies, brevis tranquillitas. Animum pacatum, quietum, tranquillum, curis expertem,
sufficiunt hae plumae, sapientum reliquiae. Unguentum anserinum optimum pharmacum,
quod et capitis et pectoris dolores mitiget, viscera emolliat, febrim pellat, renes purget,
podagrae nodos solvat et frangat, quin amaram mortem dulcedine tingat. In qualicunque
25 aegritudine sumatur adipis anserini quantum lubet, inungatur nunc synciput, nunc sternum
cum scapulis, nunc lumbi, nunc planta, et omnis cessabit dolor. Probatum est; sine
medici disciplina. Haec et meae villae medicina, quam sine sumptibus, sine multo labore
paro. Quo profecto unguento nisi fatali hoc anno a capite ad calcem memet diligenter
inunxissem, non una aegritudo me consumsisset. Nunc vegetus, firmus, praesens, vigil,
30 cum anserino grege, hanc rem curans sedulo, pingui tanto beneficio, in angusta casa.
Intelligis, quo humanitatis genere, Te, quantum hospitem! Non Mercurium, deorum
1 〈Darüber notiert von L e i b n i z ’ Hand:〉 sat est
20. 7. 2012