Leibniz, Akademie-Ausgabe, Bd. I, 23 - Gottfried Wilhelm Leibniz ...

622 leibniz an antonio magliabechi, 12. August 1704 N. 446
Olearius Lipsiensis professor, Theologi filius ineditam Synesii orationem in Julianum
in lucem emisit. Et nunc Philostrati Imagines praelo subjecit.
Alius Olearius nummos quosdam emisit veteres Germanicos Bracteatos quibus Historia
medii aevi subinde illustratur, in illis nonnulli sunt Brunsvicenses.
5 Ego Deo volente integrum volumen in folio (ut vocant ) emittam in lucem Scriptorum
veterum res Brunsvicenses illustrantium, quorum magna pars non est edita, pars prodiit,
sed a me ex manuscriptis auctior et emendatior editur; pars denique in paucissimorum
manibus habetur. Omnes hi Scriptores vixere ante annum 1500, plerique latini sunt, unus
ltalice scripsit, aliquot Saxonico sermone antiquo. In his computo veteres scriptores non-
10 nullos, qui res antiquorum Italiae Marchionum et Ducum ex quibus Brunsvicenses sunt
prognati, aut qui ex eadem sunt stirpe, tractarunt. Itaque Domnizonem de vita Matildis
vestrae multo correctiorem edito eidem volumini inseram, adjungamque ineditum in
prosa scriptorem de vita Matildis veterem, quem debeo Cl. Florentino Francisci Mariae
filio a Te mihi olim conciliato.
15 Non dubito quin a Te multa hujus generis ex vestris monumentis et Bibliothecis
Tuisque aut amicorum Tuorum thesauris mihi suppeditari possent, si satis communicari
inter nos consilia locorum distantia permitteret, aut scripti Historicorum Ms orum indices
haberi possent. Sane ex Ambrosiana Bibliotheca nactus sum egregium monumentum
Arnulphi de rebus Mediolanensis Ecclesiae, in quo sunt nonnulla in rem meam. Si doc-
20 tissimus in his studiis Arena vester viveret, essent credo quae ab ipso sperare fas esset.
Germania, Gallia, Anglia certatim contulere quae in rem sunt meam. Ex Italia nactus
sum quaedam cum illic versarer; sed non dubito haberi inde posse multo plura; si vel
meae aetatis aut commoditatis esset, vel temporum ratio permitteret apud vos coram
denuo inquirere; nam nunc multa comperi, quae in Italia agenti nondum erant explorata.
25 Nunc ad Epistolae Tuae appendicem venio, in qua non sine admiratione atque indignatione
legi, tantam sibi licentiam sumere quosdam in aliorum fama publice laceranda,
ut ne Tibi quidem pepercerint, quem de re literaria publice et de viris literatis privatim
1 Olearius: Gottfried Olearius. 1 Theologi: Johannes Olearius. 1 Synesii orationem: Gemeint
ist wahrscheinlich Libanios, Oratio de ulciscenda Juliani imperatoris nece, 1702. 2 Philostrati: vgl.
G. Olearius, �� ��� ���������� ��������� ������, 1709. 3 nummos . . . Bracteatos: J. Chr. Olearius,
Spicilegium antiquitatis nummos XXV. suggerens bracteatos, 1702–1703. 11 Domnizonem: Donizo
von Canossa, Vita Mathildis, in: Leibniz, Scriptores, T. 1, 1707, S. 629–689. 12 f. ineditum . . .
veterem: V i t a Mathildis Comitissae, oratione soluta comprehensa, ebd., S. 689–701. 13 Florentino:
Mario Fiorentini, vgl. N. 242. 18 nactus sum: durch G. de Sitonis, vgl. I, 20 N. 474. 19 Arnulphi
. . . Ecclesiae: Arnulphus von Mailand, Liber gestorum recentium. 20 Arena: C. Della Rena.
20. 7. 2012