Leibniz, Akademie-Ausgabe, Bd. I, 23 - Gottfried Wilhelm Leibniz ...

802 johann friedrich hodann an leibniz, 30. September 1704 N. 545
Literas, quas ad Dn. Guidium huc usque deportavi, semper is dixit, se Excellentiae
Vestrae esse missurum. In posterum itaque quaeram, an eas inclusurus sit fasciculo ad
Reginam pertinente, quamvis ejusmodi viri talibus quaestionibus, ad rem tamen plurimum
facientibus, multum se torqueri vix patiuntur. Quae igitur mea hac in re erunt,
5 lubenti animo agam: modo mittentes promissa recte exequantur. Putant fortasse, Excellentiam
Vestram nummulorum quorundam in tales res expensionem tantopere non
curare. Queritur interdum Dominus Abbas, formam literarum mearum nunc nimis esse
latam, nunc inaequalem. Sed cum plerumque non unae sed plures literae sint mittendae,
quae se complicari in aliam saepe nullo modo sinunt, inaequalitatem etiam illam
10 effugere semper non possum. Deinde credo, serenissimam Reginam non ita male esse
accepturam, si fasciculi ad eam missi sint aliquanto inaequales. Illi enim non mittuntur,
ut inde elegantiae laudem compingens aucupetur, sed ut literae iis inclusae legantur. Expetuntur
aliunde literae lectionis, non elegantiae in exteriore facie apparentis gratia. Si
relationes hic retineri deberent, possem aliquando missionem mearum literarum, si nullae
15 extrinsecus advenirent, omittere, ne semper Guidio molestiam crearem. Qui tabellarios
publicos hinc mittunt, semper literas, se Hanoverae Excellentiae Vestrae exhibendas esse
indicantes, mihi reddiderunt. Monui autem insuper eos, ut, si forte acciperent literas Berolinum
ad Vestram Excellentiam deportandas, eas etiam mihi traderent. Quando enim
illas accepero, fasciculo meo includi poterunt. Haec ita placere Excell. Vestrae putavi.
20 Advenit hodie ex Hollandia per urbem Bremam missus fasciculus, tubi optici formam
habens, cubito aliquanto longior. Operculum in extremitate altera itineris incommoda
detriverant: unde teres in eo baculus latere conspici potest, circa quem chartae quaedam
sunt convolutae, aut nescio quae alia, odorem emplastri alicujus spirantia. Ita eum apud
me retinebo, quemadmodum mihi missus est. Scutum insignis tali fere modo depingere
25 licet:
Nescio, an Serenissima Electrix jam tum hinc profecta sit: nuper dicebatur hesterno
11 accepturum K 2 , korr. Hrsg. 22 bacuculus K 2 , korr. Hrsg.
7 Dominus Abbas: G. Guidi. 20 fasciculus: nicht ermittelt.
20. 7. 2012