genero- asimetria langabeziaren irudikapen sozialean - Euskara

78
LANGABEZIA FEMENINOA ETA MASKULINOA: GENERO-ASIMETRIA …
estandarizazioak, datuak jasotzerakoan egon daitezken arrisku subjektiboak eta
partehartzaileen erantzunetan egon daitezkeen aldakortasunak murrizten ditu. Hala
ere, estandarizazio honek zenbait muga sortzen ditu. Besteak beste, galderak
aukeratzeko eta formulatzeko orduan. Izan ere, landuko den gaiari heltzeko
ikertzaileak aukeraketa bat egin behar du eta era berean, gizabanakoen adierazpenak
planteatzen zaizkien galderen erantzunetara mugatzen da. Zailtasun hauek
gainditzeko modu bat galdera irekiak planteatzea izan daiteke (Abric, 1994d).
Ikerketa honetan langabeziaren irudikapenera hurbiltzeko galdesorta erabili
da. Galdesorta osatzen duten atal ezberdinetan erabilitako teknikak egokitzerako
orduan, aldez aurretik egindako ikerketa batean oinarritu izan gara (Larrañaga,
2001). Aldez aurretiko ikerketa honetan elkarrizketa erdi-egituratuak erabili ziren.
Elkarrizketa hauen helburu nagusia ikasleek langabeziaren inguruan zuten
irudikapenaren edukia jasotzea zen, langabezia maskulinoaren eta femeninoaren
artean aurki zitezkeen balizko ezberdintasunak atzematearekin batera. Elkarrizketak
32 ikasleekin aurrera eraman ziren. Hamasei (8 gizon eta 8 emakume) Aix-en-
Provence-n (Frantzia), 2000. urteko matxoan eta beste hamasei (8 gizon eta 8
emakume) Donostian, 2000. urteko apirilean. Galdesortari dagokionez lau teknika
ezberdin erabili dira. Batetik, irudikapen sozialaren edukia aztertzeko, asoziazio
askeko teknika erabili da (gogora-ekartzea, Vergèsen hitzetan, 1992). Asoziazio
askean oinarritutako teknika honekin partehartzaileek ekoiztutako hitzak eta
esamoldeak lortzeaz gain, irudikapenaren egitura ezagutzeko aukera ere dago, gune
zentralekoak izan daitezkeen elementuak identifikatu eta ekoiztutako hitzen
kategorizazioari esker, dimentsio ezberdinen arteko harremanak aztertu daitezke
(Vergès, 1992; Bonnec, Roussiau eta Vergès, 2002). Bestetik, hainbat itemen hierarkia
aztertzeko, multzoen ondoz ondoko aukeraketa teknika erabili da (Abric, 1994c;
karakterizazioa, Vergès-en hitzetan, 2001). Sistema arauemailearen azterketarako,
multzoen ondoz ondoko aukeraketa teknikari ordezkapen kontsigna gehitu zaio
(Guimelli eta Deschamps, 2000). Funtsean, ordezkapen teknikarekin partehartzaileei
beste pertsona baten lekuan jarrita erantzutea eskatzen zaie. Azkenik,
zentraltasunaren kontrolerako, errefusapena (“Mise En Cause” teknika bezala
ezaguna) eszenatoki zalantzagarriaren bidezko teknika (Moliner, 1988; 1994) erabili
da.