genero- asimetria langabeziaren irudikapen sozialean - Euskara

176
LANGABEZIA FEMENINOA ETA MASKULINOA: GENERO-ASIMETRIA …
Lanarekiko Harremana kategoria, 27 hitz ezberdinez osatuta dago,
ebokazioen % 12,5a barneratzen du, adostasun maila altua du (% 78,4), pertsonen %
59,1ak erabili du eta lehentasunez aipatu izan da (batez besteko heina = 2,2). Alderdi
Ekonomikoen kategoria, 36 hitz ezberdinez osatuta dago, ebokazioen % 10,9a
barneratzen du, pertsonen % 56,2ak erabili du eta lehentasunez aipatzen da (batez
besteko heina = 2,7). Pribazioa kategoria, 8 hitz ezberdinez osatuta dago, ebokazioen
% 10,7a barneratzen du, adostasun maila altua du (% 95,8), pertsonen % 50,4ak
erabili du eta lehentasunez aipatzen da (batez besteko heina = 2,2). Alderdi
Indibidualak kategoria, 72 hitz ezberdinek osatzen dute, ebokazioen % 12,3a
barneratzen du, pertsonen % 52,6ak erabili du eta lehentasunez aipatzen da (batez
besteko heina = 2,8).
Kategorien arteko harremana
Kookurrentzia indizearen bidez burututako analisiaren arabera (ikus 15.
Grafikoa), langabezia maskulinoaren kasuan kategoria partekatuenak, Lanarekiko
Harremana, Alderdi Ekonomikoak, Pribazioa eta Alderdi Indibidualak izateaz gain,
elkarren arteko kookurrentzia maila altuak aurkezten dituzte. Era berean, lau
kategoria hauek, Alderdi deskribatzaileekin kookurrentzia maila altuak aurkezten
dituzte. Bestalde, Kategoria Sozialak, kookurrentzia maila altua aurkezten du
Pribazioa eta Lana kategoriekin. Aurre Egiteko Moduak berriz, Lanarekiko
dimentsioarekin soilik aurkezten du kookurrentzia maila altua.
Inplikazio indizearen bidez burututako analisian (ikus 16. Grafikoa),
Lanarekiko Harremana eta Alderdi Ekonomikoak kategoriak dira inplikaziozko
harreman gehien mantentzen dituzten kategoriak. Biekin batera inplikazio maila
altuak mantentzen dituzte Alderdi Deskribatzaileak, Pribazioa eta Aurre Egiteko
Moduak (inplikazio maila altuagoa mantentzen du Lanaren dimentsioarekin,
Alderdi Ekonomikoekin baino, % 88 versus % 62). Zailtasunen kategoriak bestalde,
Alderdi Ekonomikoekin eta Lanarekin inplikazio maila altuak mantentzeaz gain,
Alderdi Indibidualekin ere bai inplikazio maila altua mantentzen du. Lanarekiko
Harremanarekin soilik inplikazio maila altua mantentzen du Prestazio Sozialen
kategoriak eta bestalde, Alderdi Ekonomikoekin soilik inplikazio maila altua