genero- asimetria langabeziaren irudikapen sozialean - Euskara

272
LANGABEZIA FEMENINOA ETA MASKULINOA: GENERO-ASIMETRIA …
motibazio eskasa aipatzen dira. Irungo datuetan, langabeziaren ondorio
ekonomikoak ere aipatzen dira. Orokorrean, diskurtso kontserbakorraren ordezkaria
den Ugazabak, langabeziaren kausalitate indibidualak azpimarratzen ditu, bai kasu
femeninoan baita maskulinoan ere.
Bestalde, hiru taldeetan erreferente Feministak langabezia femeninoa
ezaugarritzerakoan, ondorio sozialak (bazterketa soziala) eta psikologikoak (norbere
burua zalantzan jarri) azpimarratu ditu. Baiona-Bidarteko taldean, seme-alabek jasan
ditzaketen kalteak ere aipatu izan dira eta Aix-en-Provence-ko taldean, bikoteko
harremanean eragin ditzakeen aztorapenak nabarmendu dira. Langabezia
maskulinoa ezaugarritzerakoan, erreferente Sindikalak Irungo taldean eta Baiona-
Bidarteko taldean, ondorio psikologikoak (estutasuna, estresa sortzen du) eta
ekonomikoak azpimarratzen ditu eta Baiona-Bidarteko taldeak, ondorio sozialak
(bazterketa soziala) ere nabarmentzen ditu. Orokorrean esan daiteke
berdintasunezko diskurtsoaren ordezkari diren Feministak eta Sindikalistak,
langabeziaren ondorioak azpimarratu dituztela.
Laburbilduz, Ugazabak langabeziaren egoeraren ardura gizabanakoarengan
jartzen duen bitartean, Feministak eta Sindikalistak langabeziak eragin ditzakeen
kalteak ohartarazten dituzte.
- Erreferenteen papera langabeziaren irudikapen sozialean
Ikasleen erantzunetan erreferenteen eragina aztertzerakoan, orokorrean bi
testuinguruen isla aurkitu bada ere, testuinguru kontserbakorraren eragin garbia
langabezia femeninoaren aurrean soilik ematen dela azpimarratu behar da. Hau da,
langabezia femeninoaren kasuan erabilitako bi erreferenteek neurri handi batean
ikasleen erantzun propioak azaldu dituzte. Langabezia femeninoaren irudikapenean
bi diskurtsoen eragina ematen da, kontserbakorra batetik eta berdintasunezkoa
bestetik. Langabezia maskulinoaren kasuan, ordea, ikasleen erantzun propioak bat
datoz Sindikalistaren lekuan jarrita emandakoekin, baina gutxiago Ugazabaren
lekuan emandakoekin. Oro har, esan daiteke langabezia maskulinoan
berdintasunaren diskurtsoaren eragina gailentzen dela eta langabezia femeninoan,
berriz, berdintasunaren diskurtsoarekin batera, diskurtso kontserbakorraren eragina