genero- asimetria langabeziaren irudikapen sozialean - Euskara

IKERKETAREN EMAITZAK
3.3.2. Erreferenteen bidezko azterketa
3.3.2.1. Itemen arteko hierarkiaren azterketa
Sistema arauemailearen azterketari heldu aurretik, zazpi galdesortetan
(langabezia orokorrean, langabezia maskulinoan, langabezia femeninoan, eta
erreferenteen lekuan jarrita) erabilitako itemen arteko hierarkia konparatu da
Kendall Tau-b-aren bidez. Indize hau, bi sailkapenen arteko antzekotasun maila
neurtzeko erabiltzen da (Howell, 1998). Gure kasuan itemen batez bestekoen
araberako hierarkia interesatzen zaigu. Analisi honetarako, item bakoitzari zenbaki
bat ipini zaio batez bestekoaren garrantziaren arabera (batez besteko altuena duen
itema 1 puntuatuz eta batez besteko baxuena duen itema 15 puntuatuz). Zazpi
galdesortetan Kendall Tau-b-arekin burututako analisiak azaltzen dituen
korrelazioak 21. Taulan daude (galdesorta ezberdinen batez bestekoak 26. Taulan
daude).
21. Taula: Baiona-Bidarteko taldean karakterizazio galdesorten arteko korrelazioak
(Kendall Tau-b).
Orokorra 1,00
Orokorra Maskulinoa Femeninoa Sindikalista Mugazaba Feminista
Maskulinoa 0,71 1,00
Femeninoa 0,77 0,67 1,00
Sindikalista 0,62 0,63 0,70 1,00
MUgazaba 0,30 0,23 0,26 0,07 1,00
Feminista 0,30 0,27 0,38 0,53 -0,28 1,00
FUgazaba 0,22 0,08 0,26 -0,01 0,81 -0,24
Ikasleek langabezia orokorra ezaugarritzeko itemen artean ezarritako
hierarkia, hein handi batean bat dator langabezia maskulinoan (τ = .71) eta
femeninoan (τ = .77) ezarritakoekin. Era berean, ikasleek langabezia maskulinoa eta
femeninoa ezaugarritzeko itemen artean ezarritako hierarkiak, hein handi batean bat
datoz (τ = .67). Oro har, ikasleek karakterizazio galdesorta estandarretan (orokorra,
maskulinoa eta femeninoa) erabilitako hierarkizazioa antzekoa da. Erreferenteen
kasuan, Sindikalistaren lekuan jarrita erabilitako hierarkizazioa esanguratsuki lotua
dago, langabezia orokorraren kasuan (τ = .62), maskulinoan (τ = .63), femeninoan (τ =
203