genero- asimetria langabeziaren irudikapen sozialean - Euskara

234
LANGABEZIA FEMENINOA ETA MASKULINOA: GENERO-ASIMETRIA …
Laburbilduz, “arazo ekonomikoak”, “bazterketa soziala” eta “enpleguaren
bilakuntza” langabezia maskulinoaren eta femeninoaren kasuan zentralak direla
egiaztatu da, eta beraz, irudikapen sozial baten baitan kokatzen direla esan daiteke,
gune zentral berdinarekin. Pertsona langabetuak, gizon nahiz emakume izan, arazo
ekonomikoak dauzka, sozialki baztertua sentitzen da eta enplegua bilatzen du. Hala
ere, zenbait berezitasun aurkitu dira errefusapen galdesorta maskulinoaren eta
femeninoaren artean. Batetik, familiaburua emakumea bada, arazo ekonomikoak
dauzkala ondorioztatzen da eta familiaburua gizonezkoa bada, ez ordea. Bestetik,
errefusapen maskulinoan elementu zentraletatik gehien aldentzen den estatusa jabea-
rena da; errefusapen femeninoaren kasuan berriz, etxekoandrea-rena da. Datu hauek,
gizon eta emakume estatusen arteko ñabardurak azaltzeaz gain, langabezia
femeninoaren inguruko gogora-ekartzeko galdesortan lortutako informazioa
interpretatzeko aukera eskaintzen du. Hau da, emakume langabetuari buruzko
gogora-ekartzeko galderan, emakume langabetua besteak beste etxekoandretzat jotzen
da; baina errefusapen femenino galdesortetan argi geratu da etxekoandrea estatusak
ez dituela langabetua estatusaren elementu zentralak partekatzen. Hau guztia, alegia
galdesorta osatzen duten atal ezberdinetako datuen arteko lotura, 4. puntuan
aztertuko da.
4.3. BAIONA-BIDARTEKO DATUAK
Burututako sei Errefusapen galdesortetatik, gizon bati buruzko hiru
galdesortak 113 ikaslek bete zituzten (63 gizonezko eta 50 emakumezko) eta
emakume bati buruzko hiru galdesortak 126 ikaslek bete zituzten (69 gizonezko eta
57 emakumezko). Aurkeztutako emaitzak ikasle hauekin burututako analisietan
oinarritzen dira.
4.3.1. Errefusapen maskulinoa
Errefusapen maskulinoan ondoko emaitzak lortu dira (ikus 40. Taula).
“Arazo ekonomikoak” itema langabetua estatusarekin (ikasleen % 78,5ak baztertua),
familiaburua-rekin (ikasleen % 94,7ak baztertua) eta 50 urte gorako langabetua-rekin
(ikasleen % 71,7ak baztertua) lotzen da. “Bazterketa soziala” itema elbarria (ikasleen